Azpiegiturak eta garraioak

Re: BIDEGORRIAK DEBA BAILARAN

Jagoba — Wed, 23 May 2007 13:59:03 +0200

Zorionak. Ez nengoen nonbait hain oker esan nuenean "Diputazioak ba omen zuela" proiekturen bat. Nik hori egunkarietan argitaratu ohi diren ale berezi edo gehigarri horietakoren batean ikusi nuen.

Haritz, 2009an, inaugurazioan elkar ikusiko?

Re: BIDEGORRIAK DEBA BAILARAN

Haritz — Tue, 22 May 2007 22:17:25 +0200

Bueno, bueno. Hau sorpresa. Mila esker, www.eginbehardugu.com. Beraz, Ekainerako proiektua erredaktatzen baldin bada, ondoren tramitatu eta 2.008rako aurrekontuetan barneratu, 2.009 urte amaierarako egina!!

Pozgarria da, egingo dela jakitzea behitzat. Ez nuen uste proiektua erredaktatzen ari zirenik ere...

Parke Naturalak

Iñaki — Tue, 22 May 2007 09:47:38 +0200

Hainbat urte ralentian egon eta gero, benetako bultzada eman behar zaio natura eta bioaniztasunaren kontserbazioari, batez ere babestutako naturguneetan:

- fauna, flora eta habitat naturalen inbentarioak (bioaniztasuna)
- erabilera publikoa (naturaren interpretazio-zentruak, bisita gidatuak, dibulgazioa, sensibilizazioa,...)
- habitat naturalen berreskurapena (baso naturalak, publikoak diren eremuetan egur-ustiapen exotikoen desagerpena,...)
- baliabide tekniko eta ekonomikoak handitu (natura eta bioaniztasunaren kontserbaziorako teknikoen kopurua handitu gobernuetan eta Foru-Aldundieta, urteroko aurrekontuak bidertu,...)

Euskal Herriak bioaniztasunaren kudeaketaren eskumena izan eta gero, oso gutxi aurreratu da materia honetan, Europa mailan atzerapen itzela eramaten dugularik. Natura 200 Sarearen kudeaketak horretarako aukera eman dezake.

Re: BIDEGORRIAK DEBA BAILARAN

eginbehardugu.com — Mon, 21 May 2007 16:20:41 +0200

Egindako galderari erantzun nahirik jarri ginen harremanetan Gipuzkoako Diputazioaren Garapen Iraunkorrerako Departamenduarekin. Baita hainbat informazio jaso ere, Deba Goienako bederatzi proiekturi buruz, alegia:

- Bergara-Antzuola, zati berria (2,9 km)

- Bergara-Antzuola, trenbide zaharra (9,00 km)

- San Prudentzio-Oñati (6,92 km)

- Aretxabaleta-Arrasate (0,21 km)

- Aretxabaleta-Eskoriatza (0,27 km)

- Eskoriatzatik hegoalderako irteera (0,95 km)

- Eskoriatza-Arabako muga (18,66 km)

Ondo ulertu badugu, Eskoriatzatik hegoalderantzako bidegorriaren hasiera GI-627 errepidearen alboan joango da. Injelanek egindako proiektua da, 1.458.903,38 euroren aurrekontuaz eta obrak 2007 urtean zehar amaitzekotan.

Eskoriatzatik Arabako mugarainoko bidegorriari buruzko proiektuaren erredakzioa, berriz, udaberri honetan amaitzear dago, Injelanen eskutik. Oraindik errepide-sailak ez du aurrekonturik zehaztu eta egitasmo honen amaiera Eibar-Gasteiz autopistaren herri-lanei atxikia agertzen da.

Re: BIDEGORRIAK DEBA BAILARAN

bidegorri — Thu, 17 May 2007 14:33:28 +0200

Aste honetako Goienkaria irakurri dozue?

Aldundirako hautagai guztiei 3 galdera egin dotsiez, Debagoiena ardatz hartuta. Hirugarren galderia bidegorrixan ingurukua da.

Eta erantzuna?

Baietz eta baietz, bidegorri-saria bultzatzia dala euren asmua. Danak Bidegorrien alde!

Je, je...

Re: BIDEGORRIAK DEBA BAILARAN

Jagoba — Thu, 17 May 2007 13:49:18 +0200

Ez dago zer barkatu, Haritz.

Nere aitarena aipatu nizun berak beti "matraka" berbera kontatzen digulako. Nik bizi guztian ezagutu izan dut Legutiora egunero joan-etorrian, Gatzaga gora eta Gatzaga behera, eta berak dioenez, orain dela 30 urteko proiektua da autopista hori. Baina orduan ere oraingo eztabaida berdinak izan omen ziren (kontrakoak eta aldekoak) eta azkenean ez zitzaion autopista egiteari ekin, nahiz eta Arrasateko kooperatiben itzelezko mugimendu hori tartean izan. Nere aitak esaten du: "Orduan egin izan balebe..."

Ez dut ulertzen zergatik uste duzun nik bidegorriak mespretxatzen ditudala. Nik uste dut nahiko arrazoi eman dizudala pentsatzeko Gatzagatik Soraluzeraino, San Antoniotik Deskargarainoko eta Arlabanetik Gasteizerainoko trenbide zaharrak bertatik bertara ezagutzen ditudala. Ezagutzen ditut ibili naizelako, eta Gatzaga barreneko tunelak ezagutzen ditut gurutzatu ezinezko "trintxera" horietan noraezean ibili naizelako. Zuk uste duzu hor zehar ibilitako inork bide gorriak mesprexatuko dituela?

Nik zalantzaren bat jarri badut ez da bide gorriak gogoko ez ditudalako, orain dela ehun urteko tunelpe eroriak berriro konpontzea ez delako behar bada aukerarik onena. Oker ez banago, Itziarko kasuan ez zen tunel zaharra konpondu, paraleloan beste bat egin baizik. Eta, beraz, benetan uste dugu bide gorri bat egiteko Gatzagapeko mendia zulatzea litzatekeela egokiena. Oinak eta mendi-bizikletak zertarako dira ba aldatzak igotzeko ez badira?

Baina, dena dela, zurekin batera:

NOIZKO KONPONDU BEHAR DUGU ESKORIATZATIK GATZAGARAINOKO TRENBIDE ZAHARRA?

Re: BIDEGORRIAK DEBA BAILARAN

Haritz — Wed, 16 May 2007 14:03:01 +0200

Mesedez Jagoba, barkatu eidazu mindu baldin bazaitut. Ez zen hori nere intentzioa, baina zure aita umea zen garaietako kontuak aitatzean, iruditu zitzaidan neri adarra jotzen ari zinela...

Mesedez, ez hartu gaizki eta jarrai zure iritziak plazaratzen, isilik geratu gabe.

Ta bai, seguraski holaxe da. Aldundiko VIP bat izango da, nere galdera erantzuteko gai izango den bakarra. Baina web orri hau EAJrena denez eta Gipuzkoako Aldundia bere erantzunkizupean dagoenez ea suerte pixkat daukadan eta VIP horrek erantzun konkretu bat ematen didan (esperantza gutxi daukat baina bueno).

Eta arrazoia daukazu. Itziarko tunela urtebete egon zeN itxita, baina hura istripu bat izan zen (nik hile pare bat arinago erabili nuen tren hori)eta urte bete bakarrik tardatu zuten konpontzen.

Tunel hauek berriz, aspaldidanik daude erorita. Eta nik ez diot; autopista egiteak dakarrela trenbide zahar bat bidegorri bihurtzea besterik gabe. Hori, autopista egin edo ez, berdin berdin egitearen aldekoa naiz. Ondo dago autopista internazional bat egitea Europa Afrikarekin errezago lotzeko, baina ahaztu gabe bertan bizi garenok ere badaukagula eskubidea guretzako izango diren infraestruktura xumeagoak eskatzeko. Hori bai, ez dut ulertzen zure mexpresua bide gorriei...eta azkenik, ni trenbidea bidegorri bihurtzearen alde izateak ez dauka zer ikusirik arabarrek beren zati konpondu izanarekin!!!

Eta Garraioetako arduradunari deitzeko gogorik ere ez dut izan inoiz.

Beraz, egia baldin bada orri honetan EAJk diona: "Gauza asko egiteko dagoela uste baduzu, zure iritzia ezagutzeko gogoz gaude".

Ea Aldundiko EAJko norbaitek erantzuten didan nere galdera:

NOIZKO KONPONDU BEHAR DUGU ESKORIATZATIK GATZAGARAINOKO TRENBIDE ZAHARRA?

Azkenik, parkatu gaizki esanak. Mila esker.

Re: BIDEGORRIAK DEBA BAILARAN

Jagoba — Wed, 16 May 2007 10:59:55 +0200

Ez. Ez naiz politikara dedikatzen, irakaskuntza politikagintza ez den bitartean behintzat. Maixua nauzu. Eta zu? Ze, zure erantzuna ere oso politikoa atera zaizu-eta. Ez dut Diputazioan lan egiten, Eusko Jaurlaritzaren funtzionari naiz. Eta, zu bezala, iritzi-emaile bat besterik ez, ustez bederen zuretzat ezezik beste guztiontzat ere irekita bide dagoen foro honetan parte hartzea erabaki duena. Nire asmoa ez zen zuri ERANTZUNA (erantzunik erantzunena) ematea, nere ekarri xumea eskaintzea baizik.

Irakaslea naizen aldetik (lanbidearen ajea, nonbait) uste izan nuen merezi zuela nabarmentzea inguruan sekulako obra handiak (autopista) egiten aritu arren, horrek ez dakarrela, besterik gabe, azken hogeitaka urtetan itxita egon diren tunel zaharrak bide batez berrirekitzea. Gogoan izan, esaterako, Itziarpeko tunela urtebete luze egon zela itxita (eta bidaiariak autobusez Debatik Zumaiara). Horrelakorik gertatu bazen Donostiatik Bilborako eguneroko tren-trafikoarekin, pentsa ezazu zein zaila izan daiteke Eskoriatzatik Gatzagaraino urtetan itxita egon diren dozena erdi tunelekin eta, gainera, bidegorria egiteko.

Egia da, zuk diozun bezala, Gatzaga gainetik Gasteizera bidea primeran dagoen bitartean, Gatzagatik Eskoriatzara joaterik ere ez dagoela. Eta, han zaudela pentsatzen duzula: "Ze ondo dagoen bidea Araban eta zein eskas, aldiz, Gipuzkoan". Eta ematen dizula gogoa Garraiotako Diputatuari deitzeko eta esateko: "Eta hau noiz konpondu behar duzue?"

Baina, garbi geratu da. Zuk ez duzu nererik erantzun nahi. Zuk Diputazioko VIPen bat erantzun diezaizun nahi duzu. Beraz, isil nadin, ez nago-ta eskolan. Agur eta barkatu.

Re: BIDEGORRIAK DEBA BAILARAN

Haritz — Tue, 15 May 2007 14:00:24 +0200

Kaixo Jagoba, ez dakit nor zaren, baina oso erantzun "politikoa" eman didazu. Zorionak! Ez zara politikagintzara dedikatuko ez?

Kontua da, zure aita mutikoa zenean, Franco diktadorearen menpe zegoela EH eta Bizkaia eta Gipuzkoa "traidoras" deklaratuak izan zirenez, proieku asko aparkautak gelditu zirela... eta nik, etxeko lehiotik ikusten ditudanez obrak, esan diezaizuket, oso oso azkar dihoazela...Larunbatetan ere lan egiten dute eta San Josepeko tunelean, gau eta jai egunez ere lanean ibiltzen dira. Gainera, bertan lanean dabiltzan pakistaniar asko nere portalean bizi dira.

Bestalde, datorren urterako martxan jartzeko asmoa dagoenez, zure aitak 64 urte ez baldin badauzka behintzat, bera jubilatu baino lehenago amaituko dute.

Gatzagatik Gasteizera, trenbidean ez dago tunel bat ere eta nik ez dut ikerketa teknikorik egin jakitzeko, tunel zaharrak konpondu edo berriak egitea, zein litzatekeen aukera onena. Hori beste balorazio bat litzateke.

Eta "Diputazioak ba omen du proiekturen bat dagoeneko onartua" esaten duzunean, gakoan asmatzen duzu (ez duzu Aldundian lan egingo, ez?). Hori da nere kexa. Horren arabera, EAJren orri hau ez litzateke www.eginbehardugu.com deitu beharko, www.eginOMENbehardugu.com baizik.

Azkenik, eskerrik asko zure aholkuarengaitik. Ezagutzen dut bidea, baina baita beste dozenaka bide xarmangarri ere.

Beraz, nere galdera ERANTZUN GABE geratu denez, berriro luzatzen dut, datu konkreturen batekin erantzuten ausartuko denarentzat.

Noizko konpondu behar dugu Eskoriatzatik Gatzagarainoko trenbide zarra?

Re: baserritako bideak

Haritz — Mon, 14 May 2007 20:47:15 +0200

Oso zaila egiten zait sinistea, basrritarrak bizi diren baserriak bide gabe egon daitezkeela...Txomin, ez dira izango utsik egon diren baserriren batzuk ez?

Re: BIDEGORRIAK DEBA BAILARAN

Jagoba — Mon, 14 May 2007 20:19:03 +0200

Nere aitari sarri entzun izan diot Maltzaga-Gasteiz autopistaren proiektua bera mutikoa zen garaietakoa dela. Beraz, berak behintzat ez du uste abiadura azkarrean egiten ari den obra dela. Legution lan egiten du eta urteak darama esaten bera lehenago jubilatuko dela autopista amaitu baino.

Dena dela, arrazoi duzu, Eskoriatzatik Gatzagarainoko tunelak erabat eroriak daude eta Gatzaga gainetik Gasteizera, berriz, oso ondo. Baina kontuan euki behar da, Arabako trazatua guztiz laua dela eta Gipuzkoakoa, aldiz, egoerarik penagarrienean. Hala ere, ez dut uste urtetan eroriak egon diren tunelek soluzio erreza izango dutela. Behar bada errezago tunel berriak egitea. Oker ez banago Diputazioak ba omen du proiekturen bat dagoeneko onartua.

Bitartean, aholku bat. Behin San Prudentzioraino helduez gero beherantza joaterik ere baduzu. Bergaratik Soraluzera joan-etorri polita dago mendi-bizikletaz eta baita Bergaratik Deskarga barreneraino ere. Tunel batzuk azpitik pasatzeko moduan daude eta beste batzuk albotik pasatu beharko dituzu. Baina merezi du parajeak.

BIDEGORRIAK DEBA BAILARAN

Haritz — Sat, 12 May 2007 20:53:11 +0200

Lotsagarria da ikustea zein abiadura azkarrean ari diren eraikitzen Maltzaga-Gasteiz autopista, baina zein ahaztuta dagoen "La Vasco-Navarra" trenbide zaharra. Bueno, norbaitek esango du, San Prudentziotik Eskoriatzarainoko tartea nahiko txukun dagoela...baina Eskoriatzatik Gatzagara zer? Guztiz abandonatua. Aldundiko arduradunen batek ere, laister esango luke eztakit zein plan edo legetan aurreikusten dela trenbide hori arabarako mugaraino errekuperatzea. Baina web orri honen izena ("egin behar dugu")ez du betetzen EAJk puntu honetan , zeren ez du egin behar. "Egina dago" esan beharko litzateke, lotsa pixkat eduki ezkero behintzat. Arabarrek, beraien mugatik Gasteiz sarreraraino aspaldi txukundu zuten. Aldundiko arduradun berberak ere, errez asko esan ahalko luke, Eskoriatzatik Gatzagarainoko tartean tunel asko eroriak daudela, baina hori, autopistaren eraikuntzarako erabiltzen ari diren puntako teknolojia ikusita, aitzaki utsa litzatekeela deritzot nik.

Beraz, noizko konpondu behar dugu Eskoriatzatik Gatzagarainoko trenbide zarra?

Re: ERRAUSTEGIA

Ibon — Thu, 10 May 2007 14:22:07 +0200

Ezta kakalekurik ere baina... kaka egiten dugu. Nik bai behintzat.

Re: Bizkaibus

Ikasle bat — Wed, 09 May 2007 17:53:40 +0200

BEHARREZKOA da behintzat egunero-egunero EHUko Leioa-Erandioko kanpuserako bidea Bizkaibusean egin behar dugun ikasleontzat urteko bonoa ateratzea. Urtero bertan utzi behar dugun dirutza kontuan izanda eta gure ekonomia murritza (ikasleak gara) ikusita, ez dakit nola ez zaion inori horrelakorik okurritu. Mesedez, izan buru pixkat eta egungo azpiegiturak hobetu daitezen eskatzen dut, berriak egin baino lehen.

Eskerrik asko

Re: ERRAUSTEGIA

iñaki — Thu, 03 May 2007 18:58:23 +0200

nere ustez erraustegia ez zuten egin beharrik!!!!