Alderdien mahaia aspalditik entzuten degu. Ibarretxeren aurreko legegintzalditik, oker ez banabil. Noizko izango degu?

Nere ustez, ez da alderdien mahairik izango ETAk mahai hori baldintzatuko ez dula segurtatu arte. Beraz, ez da alderdien mahairik izango ETAk armak uzten ez dituen bitartean, pentsatu behar bait dugu ETAk ez ditula armak jendea hiltzeko, baizik eta politika baldintzatzeko.

Iepa tokaio! baldintzak paratzen hasten bagara, zer moduz baldintzatzaile guztiak gelditzen baditugu hitz egiten hasteko??????. Nere partetik guardia zibila, polizi nazionala, espainiko armada, gendarmeak, crs ak, ertzaintza eta foruzaingoaren gorputz bereziak... epaitegiak, salbuespeneko legeak, alderdien legea, presoen dispertsioa, parot doktrina, Iñaki de Juana, lapurtutako hautetsi eta alkatetza guztiak itzultzea,haika-jarrai-segi, askatasuna, ..........NAHI DUZU SEGITZEA??? aitzakiak aitzakiak, ez al duzu konponbiderik nahi?
Elkarrizketa bai, alderdien mahaia bai, elkarrizketa eta pakea Euskal Herri osoan, elkarrizketa egoteko biolentzi mota guztiak gelditu behar dira, gu bion artean aipatu ditugunak. Ados gaude? ikusi al duzu Gaur Unai Fanori egin diotena? Ados bagaude, eta denak badaude eta praktikan erakusten badute alderdien mahaia egonen da edo gatazka ez da konponduko. Aio!

Hi Gorka, egon seguru ETA desagertzen badek bestelako biolentziak neurri berean desagertuko diala. Ertzantzarekin ze egin nahi dek? Ze ari haiz defendatzen, anarkia? Anarkia defendatzea eta herria eraikitzea inkonplatibleak dia. Eta hemen herria eraikitzea dek xedea.

Gorka esan det... Gorka-Nafarroa-EH esan nahi nun.

Herri eraikuntzan EAJ moduko alderdiak egunero pausuak ematen dabiltza baina ezker abertzalea bere baitan oraindik ez da nahiko heldua benetako pausuak emateko. Ez dauka nahiko autonomia edo ausardia berak nahi duena bere kabuz soilik egiteko, Otegik kartak markatuta jokatzeaz hitz egiten du, ados berarekin. Baina karta markatuekin jolasteaz gain, batzuk eta berak barne, karta batzuk maukan gordetzen ditu egi osoa ez esanez eta jokoa bere osotasunean garatzea ekidituz.

Arazoa da ETAk bere kabuz hartzen duela bere gain inork eman ez dion ordezkaritza. ETAk konbentzitu nahi gaitu gure eskubideak defendatzen ari dela eta bera dela defendatzaile purrukatuena.

Nik nola konbentzitu dezaket ETA nere etsaia dela? Nik ez diodala nere ordezkaritzarik eman. Herri honen gehiengoak ez diola sekula botorik eman?

ETAren drama da Batasunak baizik (eta dirudienez ez denak) ez diola kasurik egiten. ETAren drama da ez duela batere herririk atzean. ETAren errua da armekin lortu nahi duela botoekin lortzerik ez duena.

Eta Batasunaren trajedia da ETArik gabe alderdi normaltxo bat besterik ez dela. Alderdi bat gehiago, beste hainbaten artean, eta inon ez handiena.

Gainontzeko guztia gezurretan bizi nahi izatea besterik ez da.

ETA sortu zenean eta batez ere transizio "demokratikoko" urteetan herri mugimendu bat zen edo hobeki esanda herri mugimendu haundi bat zuen atzean, gaur egun hori galdua du. Hala ere ezker abertzalea bere nahietaran mugatzeko gai da oraindik, horrek erakusten digu oraindik ere mundu horretan konplizitatea dagoela erakunde terrorista batekiko. Horrek zer pentsarazia ematen du, hau da, independentzia lortzeko indarkeriaren bideak erabiltzeak zer ekar lezakeen pentsatzea. Gaur egun oraindik ere eta tristeziaz beterik diot, ezker abertzalea ez da gai erakunde terroristaren gonapetik irtetzeko. Euskal herri mailan mobilizazio maila eta indar itzela du ezker abertzaleak oso zaratatsuak dira beraien kontuak egitean, baina onartu behar zaie beraienean gogor egiten dutela hori horrela dela. Hala ere ez daukate autonomia politiko zabalik beti daude "mutil gaiztoek" esango dutenaren menpe (edo beldur), horregatik gaur egun ezker abertzaleak bere baitako kinka hori konpondu behar du eta horrela hitz egiterakoan zerren aurrean geundeken argi jakingo genuke.

Txomin; ikusi dugu azken hamar hilabetetan ze pausoak eman dituen Espainiar gobernuak, EZTA BAT. Hiru urtetan ETAk ez du inor hil, borondate agerpenak egin ditu etengabe, eta Su eten iraunkorrerako eman ziren akordioak eta bermeak ez dira bete. Ez da akordio politikorik egon PSOEk bereziki nahi izan ez duelako eta errepresioa areagotu da. NI anarkia defendatu? ANTOLAKUNTZA ETA BORROKA! Irakurtzen baduzu ongi idatzi dutena, foruzaingoa eta ertzaintzaren gorputz berezietaz ari nintzen eta ari naiz, ez dut erran hoiek desagertu behar direnik edo ez dugula poliziarik behar. Hori bai, definitu behar da herriari zerbitzua emateko polizi bat. Portzierto! ikusi al duzu Nafarroako Foruzaingo eta EAEko ertzaintzaren uniformeak? oso antzekoak dira eta beren kolpeen markak parekoak dira. Zer moduz "hibrido" bat(Zentzu onean)egiten badugu, baina herriaren zerbitzura eta ez lege arrotzen zerbitzura egonen dena? Euskal Herriko polizia izanen genuke. Noiz eztabaidatuko dugu honetaz? irrikitan nago!
Bitartean goazen lege arrotzek hemen ez eragiteko marko demokratiko eta berri bat eraikitzera. Aio!
Tokaiori; ETAk nik dakidanez ez du inoiz EHko ordezkaritza hartu. Beraz zuk errandako guztia berrikusi beharko zenuke. Bere etsaia zarela.
Bestela zer nahi duzu erratea; nahiko argi dago orohar ETAk mugitzen duela hemen "patioa" eta ESTATUA.Ikusita zein izan den beti eta den Gobernuen asmoa hemen marko demokratiko bat ez egoteko, nere buruari galdetzen diot ea ETA baino gehiago beharko den gure eskubideak errespetatzeko... Akaso ETA handiago bat, akaso borondate politikoa edo akaso AKORDIO POLITIKO BAT hori dena konpontzeko.

Ez duzu bestetik erantzun nere galdera.
Baldintzak paratzen hasten bagara, zer moduz baldintzatzaile guztiak gelditzen baditugu hitz egiten hasteko??????. Nere partetik guardia zibila, polizi nazionala, espainiko armada, gendarmeak, crs ak, ertzaintza eta foruzaingoaren gorputz bereziak... epaitegiak, salbuespeneko legeak, alderdien legea, presoen dispertsioa, parot doktrina, Iñaki de Juana, lapurtutako hautetsi eta alkatetza guztiak itzultzea,haika-jarrai-segi, askatasuna, ..........NAHI DUZU SEGITZEA??? aitzakiak aitzakiak, ez al duzu konponbiderik nahi?
Elkarrizketa bai, alderdien mahaia bai, elkarrizketa eta pakea Euskal Herri osoan, elkarrizketa egoteko biolentzi mota guztiak gelditu behar dira, gu bion artean aipatu ditugunak. ADOS GAUDE? ikusi al duzu Gaur Unai Fanori egin diotena? Gezurretan ari naiz Gorka? eguneroko egoerak dira. Errepresioa ez duzu ikusi nahi edo... Nik baldintzatzaile guztiak ikusten ditut, zuk??

Txomin; barkatu ahaztu dut. Herria eraikitzea xedea dela diozu. Erabat ados, antolatzen gara eta eraikitzen dugu herria. Neretzako hori da inportanteena, eta hori inportanteena izanik ere, muga inposatu batzuk ditugu herria eraikitzeko. Honeri ere heldu behar diogu. Aio!

Bai, tokaio. Heldu bai baina nolatan? Aurretik esana oroitaraziko dizut berriz:
Armen idarrarekin edo botoen indarrarekin? Ni ados nago "herria eraikitze xede" horrekin. Gainera, ados ez banengoen ere berdina izango litzake, xede guztiak defendagarri bait dira. Susmoa daukat, ordea, bitartekoetan ez dugula adostasunik. Zuk xede politikoak lortzeko armak erabiltzeari muxin egiten diozu?

Herri honek aspaldi ezagutzen zaitutzte eta badaki sabe eskertu batzuk aretela. Alderdien mahai oraindik sortu ez izana zuen eta PSOE-ren ineteres partidistengatik izan da. Prozesu hontatik zuen asmo bakarra itun neoestatutario berri bat lortzea da zuen patrikak este zenbait urteetan zehar beteak egon daitezen. PNV ez da alderdi bat. PNV zirko bat da!!

PSOEk, PNVk eta Batasunak jakingo dute zertan aritu izan dira horrenbeste bileretan baina inork uste al du egungo indar-oreka politikoan estatu berri bat baino zerbait gehiago lortu daitekela?

Erantzuna ezezkoa bada, zergatik eman zion bere botoa Batasunak Ibarretxeren planari? Hura ere "itun neoestatutario berri bat" zen.

Eta nola interpretatzen duzue, orain, Otegik gaur aurkeztu duen "estatutu" proposamena?

bi aldiz eman diot nere erantzuna Gorkari, agian pentsatzen dudanak egindako galderari buruz eta bere azalpenak ez du tokirik hemen. Ez da argitaratu. zergatik? orain bai, aio!

Gorkak salatzen duena egia da. Ez ditugu bere bi mezu argitaratu. Baina bai, ordea, bere salaketa, garbi gera dadin ez dugula ezer
ezkutatu nahi izan.


Ez genituen aurreko bi mezuak argitaratu,
berak -hala beharrez, nonbait- onartzen zuen zenbait ekintza
terrorismoaren apologiatzat jo lezakeelako norbaitek eta, Gorka nor denik ezin
dugunez segurtatu, foro honen arduradunei lepora zekiekeelako
lege-erantzukizuna.

Ados, hala bada. argi gera dadin erantzuna eman dudala.Bakarrik erratea xede politikoak defendatzeko ez dudala borroka armatua defendatzen baina independentzia ezin da gauzatu eta hori eskubide bat da.Eskubide hori izan bitartean... Milesker beste aldetik "eginbehardugu"ri kontua argitzeagatik.

Gorka EH uste dut ulertu dudala eta oso ongi adierazi duzu zure mezuan ez duzula borroka armatua xede politikoak defendatzeko onartzen, nik ezta ere. Hori da!
ETAk proiektu independentista dauka, baina bere xedea ez da borroka armatuaz proiektu hori inposatzea edo defenditzea!Bere borroka armatua marko demokratiko bat lor dadin burutzen du!Proiektu independentista gainerako proiektuekin baldintza berberetan garatzeko aukera egon dadin!
Autodeterminazioa ez baita proiektu bat, eskubide bat baizik!

AUTODETERMINAZIOA 7 HERRIEALDEETAN!

Oso labur. Urte guzti hauen ondorioz eta ikusitakoa ikusita, ondorio batetara heldu naiz: zaila dugula PNV gabe independentzia lortzea, PNV-rekin, aldiz, ezinezkoa. Irakurri bestela "la renuncia nacional del PNV" liburua, abertzalea den ororentzat guztiz gomendagarria, batez ere PNV-koa izanik oraindik independentista denarentzat. ireki begiak

Kaixo! Berria naiz foroan. Galdera batzuk egitera nator, uste baitut eztabaidarako ekarpen onak izan daitezkeela. Ni ere erantzuten saiatuko naiz.

Eskubideei buruz erabiltzen den mezua berregituratu beharko litzateke. Terminoak biziatuegi daude eta hitzen esanahiean itotzen gara. Edozertarako aurrebaldintza Batasunak ETA kondenatzea izatea, esaterako Josu Jon posizionatzen den bezala, justua al da?

Nire galdera: "'Demokratiko' deitzen den Estatu batean eragiten badu ETAk, eta Estatu horrek bere legedia ez baldin badu betetzen (presoen dispertsioa, tortura, berdintasuna, iritzi askatasuna, elkar biltzeko eskubidea, epaiketa inpartzial bat izateko eskubidea...), ez al zaio legalitatearen ikur nagusiari exijitu behar lehenbailehen legea bete dezan? Estatuak bere legeak bete behar ditu demokratikoki (Jaurlaritza barne); hortik aurrera bere kontra sortutako indarkeria oro, alderdi guztien artean borrokatuko ditugu.

Nik eskertuko nuke serioak izatea "foro" bakoitzaren izenburua gogoan hartzen. Foro hau "Alderdien Mahaia" da, eta azken sarrerek ez dute gaiarekin zer ikusirik.

Nik "Alderdien Mahaia"ri buruz segitu nahi nuke. Nere iritziz oso inportantea da. Beste hainbat arlotarako beste foro batzuk daude.

aupa!
txominentzat zuzendua da mezua.
egia da anarkia ez dela euskal herriaindependetziara eramateko bidea, hala ere gauza bat ahaztu egin zaizu. ETA , justuki, gustatu ala ez, zilegia iruditu ala ez, gorkak aipatutako jazarpen hoien aurrean jaio zen. ETAk ekintza armatuekin, egoera eta klima politikoa baldintzatu nahi du bere asmoak lortzeko bidean. hau da, soluzioa ez da bakarrik ETA desagertzea (honek soluzioaren parte bat ekarriko badu ere) Espaniak ere bere konpromezua hartu beharko du. ezta? beraz gauza ez da bukatuko etengabe alde batetik eta bestetik builaka eta liskarretan bagabiltza. soluzioa hitz egitea da eta inork inortxok ere ez, baldintzarik jartzea. baina nik dakidal, presoak ez ekartzea eta Batasuna ez legeztatzea ere Gobernu espainolaren baldintzak dira. beraz ez ETAk ez Gobernuak ez du baldintzarik jarri behar, eta beingoz, hitz egin dezagun eta behingoz soluzioa jarri dezagun.

Aspaldian sartu gabe baina Mikeli erantzun nahi diot.

Nere iritziz Mikelen proposamena oso zaharra da. Anoetako agiriaren aurrekoa. Anoetan erabaki zen bidea politikoa izan behar zela eta gatazka kaleetatik alderdien mahaira eraman behar zela. Eta bi mahai, bakegintza (ETA-Estatua) eta normalizazio politikoa (alderdien artekoa). Baina oreka hori ETAk hautsi zuen Madrideko aireportuan.

Mikelek esaten du ez ETAk eta ez Gobernu españolak ez dutela baldintzarik jarri behar elkarrekin hitzegiteko. Behar bada ez, bakegintzaz hitzegiteko bada, baina ez behintzat politikaz hitzegiteko. Otegik esan zuen Gobernu españolak ez ziola ETAri prezio politikorik ordaindu behar, eztabaida politikoa alderdien artekoa besterik ez zela.

Honek esan nahi du alderdiek ez dutela akordio politikorik erabakiko ETAk borroka armatuan jarraitzen duen artean. Eta hau ETAk eta Batasunak zekiten orain dela lau hilebete arte. Baina abenduaren 30an erabaki zuten estrategia aldatzea. Eta horrela ez dago hitzegiterik.

Paratu zarete pentsatzen nork baldintzatu zuen bake-prozesua?

Pasaden urteko ekainean , EAJ-PSOE-BATASUNA , Batzarrak oso normalak ziren ; Batzar hoietan eztabaidatu eta gero, Pasaden urrian akordio batera heldu ziren hirurak ;

Akordioan ( bake-prozesua nola eramen behar zen , zer pauso eman behar ziren, zein helburu zituen, eta importanteena , ETA-k armak utzi ostean zein akordio plantaetu behar zituzten , batasunak nahi zuena lortzeko. ) aprobatu ziren .

akordio hau sinatzeko momentuan , Batasuna atzera bota zen , eta esan zuten bakarra , haientzat pauso handia zela, esan zuten .

Gauzak halan , abenduko atentatura heldu ginen.

Plantetu nahi dudan gauza da: NI ados nago independentziarekin , eta baita presoak ona ekar dezatelakoarekin , baina , Nahi al du ETA-k eta ezker abertzaleak prozesua aurrera atera dadila?
Orduan beraiek eman behar lukete lehen pausoa ezta?

Zeren eta argi dago beraiek ez badute hartzen lehen pausoa, madriletik ez da etorriko;

Hau guztion artean konpondu behar dugu , nahiz eta batzuek ez onartu!!

UPNren webgunean inkesta batzuk daude, eta erantzunak ez dira oso UPNren gustokoak.

¿Qué le parece el ninguneo del Gobierno de Zapatero a Navarra?
Eta 57,74%k uste du ez dagoela "ninguneo" hori.

Beste inkesta batek galdetzen ETAren elkarrizketatu behar den. Eta erantzunak:

Ez. Indarkeria justifikatzen jarraitzen dute: 3,05%
Ez, armak uzten ez dituzten artean: 7,43%
Ez. Terroristekin ez dago elkarrizketarik: 43,14%
Bai, beharrezko baldintzak ematen badira: 46,38%