Zurekin guztiz ados Mikel. Esan behar dizut, zorte handia eduki duzula zure galdera eskegitzerakoan. Niri ez didate utzi, saiakera desberdinetan. Azkenaldian, Jon Jauregiren afera, PNV barruan dagoen haustura eta bi sektoreen arteko borroka latzaren inguruko eztabaida zabaldu nahi izan dut eta ez didate (edo ez digute) interesatzen ez zaiena eztabaidatzen utzi. Badakizu, gauza horiek hobeto ahanztea. Nik dena dela, Post guztiak kopiatzen ditut eta hemen ez bada, izaronews, berria, Diario Vasco, edo zentzura erabiltzen ez duten beste orrialderen batean saiatuko naiz. Gainera, e-maila eta abar utzita ere, ez didate erantzun ere egin.

Nire ustez, Bakegintzarekin zerikusi osoa du PNVren barne hausturaren aferak (eta zuk gaur ireki duzun gaiarekin) ; egun bi sektore historiko horien artean garaile ateratzen dena izango baita, Euskal Herria edo Euskadi española izatearen norabidea finkatuko duena. Badakizu, Gatazkaren konponbidea eta eskubide guztiak guztiontzako, edo estatutu zatikatzaileak, PNV boterean eternizatua eta euskal nortasuna eta erresistentziare desagerpena (españan komodo bizi edo españa kautibatu).

Mikel:

Imazek arrazoi izan dezake. Gauza bat da euskal gatazka politikoa izatea, beste bat gatazka hori ETArekin hasi zela pentsatzea, eta hirugarrena ETA desagertzearekin gatazka hori amaituko dela. Hiru gauza ezberdinak dira eta nik esango nuke PNVk (eta alderdi gehienak) hiru planoak bereizten dituela.

Otegik esana: "El proyecto independentista sólo se puede construir a través de vías políticas y pacíficas" eta "el Estado español no tiene que pagar nin gún precio político a ETA". Beraz, Mikel, Otegik berak kentzen dio ETAri funtzio politikoa, nahiz eta Otegik gatazka politikoa dela aitortu. Non dago diferentzia?

Nere ustez, eta euskal hiritar gehienen ustez, ETA oztopo baino ez da. Eta Batasunak ere badaki.

Baina zeren ardura? Argi dagoena nire ustez behintzat, PSOEk, PNV baino apustu handiagoa egin duela da, behintzat bakegintzaren alde. Anaitasunako proposamenarekin, Anoetakoarekin gertatu zen berdina gertatzen hasi da. Sinesgarritasuna falta zaio ETA hor dagoelako, EAJ eta beste batzuek esan dutenez, baina hori azalean gelditzea litzateke. EAJk ez du onartzen Nafarroarekin bat egitea, azken 30 urteetako botere kota bertan behera botatzen diolako, eta gatazkaren konponbidearen gainetik, alderdi interesak babesten ditu.

Hainbestetan aipatu dut EAJk indarkeriaren inguruan egiten duen erabilera guztiz interesatua eta faltsua dela, gatazkaren konponbidearen aurretik, ETAren desagerpena aurrebaldintzatzat jartzen baitu, ETAren desagerpena Euskal Herriaren eskubide politikoen berresartzetik bakarrik etorriko dela jakin badakienean.

Niri oso tristea iruditzen zait, EAJ bezalako alderdi abertzale batek biktimen artean bereizketak egitea. Aspaldi honetan, etengabean ikusi dugu EAJk (España kautibatzeko edo...) biktimekiko barkamen eske iraunkorrean. Herrietan momumentuak bata bestearen atzetik inauguratuz, ETBn kanpaina abiatuz eta agerpen instituzionalak bultzatuz. Baina non daude Basajaun, Lasa eta Zabala, Zabalza, Angel Berrueta, Rosa Zarra eta etengabe ahaztuak diren Unai Romano bezalako biktimak? Horien barkamenak noiz etorriko dira, 20 urteren buruan?

Konponbide politikoa lortzeko bidean indarkeria oztopo bada denontzat, indarkeria guztiak izango dira oztopo ez? Ala aurrebaldintzetan ETAren indarkeria soilik sartzen da? Bigarren eta hirugarren mailako indarkeriak daude?

Eta haratago joanez, indarkeriarik ezean edo ETAren aldetik treguan (besteen aldetik treguarik eman ez denean), alderdiek aurrera egin ez izana ere ETAren ardura izan da? Edo alderdiena?

Ez dut uste inork zalantzan jartzen duenik egun ETAren biolentziaren ardura ETArena baino ez dela. Ezta Otegik berak ere, aurrekoan esan nuen bezala.

Horrez gainera, garbi dago EAJk, EAk eta Aralarrek Nafarroa eta Euskal Autonomi Erkidegoaren arteko harremanaz duten iritzia berdina dela. Bi hitzetan, ETA etxera eta nafarrek dute hitza. Beste hainbat gauzatan diferentziak izan ditzakete, baina horretaz ez.

Nafarroa eta EAEaren arteko lotura nola egin Gernikako Estatutuan, Konstituzioan eta Nafarroako Lege Organikoan jartzen du, duela ia 30 urte. Eta ez da praktikan jarri Nafarroan nagusi izan diren alderdiek ez dutelako nahi izan.

Itaunek dio PSOEk PNVk baino apustu handiagoa egin duela bakegintzaren alde. Noski, hori baita tratua: Bakegintza (armak, presoak eta...) Estatua eta ETAren arteko kontua da eta normalizazio politikoa (akordio politikoak) alderdien artekoa. Eta ordena horretan. Gertatu da, ordea, bakegintza ez dela gertatu. PSOEren ala ETAren erruz izan ote den ez dakit nik, baina ezin behintzat beste alderdiei errurik leporatu.

Jajajaja!

Alde batetik, EAJk, Ibarretxek, Imazek eta Balzak ere asko hitzegin dutela gogorarazi behar dizut. Ez baina hitzegin bakarrik. Bakegintzaren bandera hartu behar izan dutenean, hartu egin dute eta ahalik eta medailarik handienak jarriz gainera.

ETAren eta Esatuaren artean bakegintza dela eztabaidatu beharreko a diozu, eta normalizazio politikoa alderdien artean. Imazi buruz hainbeste dakizun zerorrek, Ezker Abertzaleak Anoetako Proposamena plazaratu eta defendatu duzun berori esandakoan, zer esan zuen Imazek? Ni oso ongi oroitzen naiz eta berton daukat esaldi gogoangarria. Beste baterako gordeko dut baina, merezi du eta. Dena dela zuk badakizu ez?

Normalizazio politikoa diozu. Nola izan daiteke Urkulluk duela hiru hilabetetik, Izquierda Radical terminoa besterik ez erabiltzea Ezker Abertzalea definitzeko, Azkunak ilegalizazioari buruz botatakoa botatzea eta normalizazio politikoaz hitzegitea? Normalizazio politikoa gainera nire ustez, askatu beharreko korapiloak atzeratzeko aitzakia bat besterik ez da.

Nahi duzu honi buruz eztabaidatu? Ni prest.

Ondo izan

Barka, Joseba, Koldorekin nahastu zaitut.

Ez dakit zertaz eta norekin ari zaren baina nik esango nuke ETAk okerreko bidea hartu zuela orain dela 30 urte eta ez dakiela, orain, nola sartuta dagoen zulotik atera. Bitartean, Batasuna esku-lotu dago, ETAren katigu eta ezin du bere politikagintza aurrera atera. Eta Batasunaren falta, Aralarrek beteko du hutsune hori.

ETA eta Batasunarentzat errudunak beste guztiak dira, berdin da PP, Aralar, PSOE edo EB izan. Eta, noski, aurrena, PNV, orain dela 30 urte ez zuelako ETAren bidea onartu. ETA eta Batasunarentzat PSOE eta PP españolak dira eta, beraz, etsai naturalak. Aralar, berriz, traidore hutsa. Baina benetan MLNVren estrategia osoa azken 30 urteotan hautsi duena PNV izan da. Eta horregatik diote dioten gorrotoa.

Eta, batere zalantzarik gabe, gaur egun Euskadin dugun borroka armatuaren errudun bakarra, batere aitzakirik gabe, ETA da.

ETA-K du ardura osoa desagertu egin behar da, euskal herriak ez du nahi eta besalako lakrarik. batasunako akolitoak, ain zaudete norabidea galduta, pnv duzuela ardatz besala eta zuen frustrazioa osoa pnv-ren gan jotzen duzue , n ahikoa da laga bakeaan euskal herriko gentea eta zuen norabidea zuzendu. ETA=FRANCO

Penagarria da zure argumentazioa. Demokrazia zer den ikasten duzunean, etorri nahi bezain beste lezio ematera baina bitartean, nahiko denbora galtzen zabiltza Ana Rosa Quintanaren programan entzundakoak inposatu nahian. Gainera, zure frustrazioak Ezker Abertzalea suntsitzera behartzen zaituela lasai egoteko esan behar dizut. Gorrotoz erreta zaude eta horrela ezin zara exijentziekin etorri. Erdarazko foroan irakurri ditut zure "ekarpenak" eta benetan, tamalgarria da egun, zu bezlako hainbeste frankista "antifrankista" egotea. Begiratu zeure barruari eta garbitu ezazu.

ez da argumentazio bat errealitatea baino. itaun zuretzat euskal herri osoa erratuta dago, etaren desagerpena eskatuaz, beno 80.000 botante kenduta, da seguru nago batasunako botanteen erdia ere ez dagoela etarekin adoz. erantzun mezedez, ITAUN. ETA-Ren politikarekin adoz zaude? politika horrek dakarren heriotzekin adoz zaude? uste duzu gizaki bat, bestea baino gehiago dela? uste duzu gizaki batek erabaki al duela noiz kendu bizia beste gizaki bati? zer uste duzu sufrimenduataz? zer motibogatik uste duzu sufritu daitekeela? benetan espero nere galderei erantzutea eta zure benetako ideiak eta pentsamoldeak agertzea.

Milesker Aran:

Pozten naiz beligerantziak alde batera utzi zuzen eta egoki mintzatzeko egin duzun hautuaz. Egin dizkidazun galdera guztiak zuzenean erantzun ditut foro honetan bertan. Luze eta sakon arrazoitu dut, batzuetan haserrez (aitortu behar dut) eta beste batzuetan adorez. Eskertuko nizuke bakegintzako azpiforoei gainbegiratu bat ematea.

Soilik esango dizut indarkeriaren aurka nagoela, eta berdin-berdin zait nondik datorren. Hitzek behar dute izan, eta ekintzek baita, sufrimendurik gabe. Foro honetan, hainbestetan saiatu naiz indarkeriari buruzko eztabaida zuzen eta mamitsua zabaltzen baina betiko klitxe zaharrekin erantzun didate. Askotan posizionatu behar izan naiz nire aurrekoa posizionatu ez denean, esaterako Ertzaintzaren eta torturen kasuan.

Dena dela, nirekin aurreritzirik gabe eztabaidatu nahi baduzu, guztiz irekita nago eta pozik gainera. Hemengo parte hartzaile batzuek filoterrorista izatea egotzi didate, nahiz eta nik garbi adierazi ETArekiko nire iritzia. Batasunakoa naizela ere aurpegiratu didate, ez denean horrela.

Zuri ere posizionatzea eskatu behar dizut gauza zehatz batzuen aurrean. Izan ere, erdarazko foroan irakurri dizkizudanak nahiko gogorrak dira.

ondo izan!

Ez dirudi ETAk onartzen duenik borroka armatuaren ardura guztia berea dela. Gaur, Aberri Egunez, bota dituenak ez doaz behintzat ildo horretatik. Eta, beti bezala, alderdi guztiak kontra atera zaizkio, Batasuna izan ezik. Eta tristeena horixe da biktima politikorik zuzenena Batasuna dela. ETAk nahi izango balu Batasunak ez luke batere arazorik izango maiatzeko hauteskundeetan parte hartzeko.

Baina egitan... Ba al dakigu zertaz hitzegiten ari garen? Zergatik ezin du Batasunak hurrengo hauteskundeetan parte hartu? Alderdien legea betetzea ez dela nahikoa dio PNVk, baina zein da PNV hori esateko?

Gerry Adamsek ez zuen inoiz IRA kondenatu. Eguninork ez dio horrelakorik eskatu, eta hori, jakinda Paisley IRA-Sinn Feinn eta PPren berdinak esqten ari zela.

Badirudi jendeak ez duela idea zipitzik esaten duenaz. Batasunak ez du ETA kondenatu behar hauteskundeetan egoteko, alderdien legeak ez duelako INON hori eskatzen. ETA kondenatzea ez da beharrezkoa (hainbeste aipatzen duzuen legearen arabera) Batasunak hauteskundeetan parte hartzeko, baina tranpa bat da berez. Batasunari politika egitea eskatzen zaio, baina ez zaio uzten politika egiten, legea errespetatuta ere.

Nola ulertu hori? Zrrgatik ez dauka alderdien legearen USTEZ kontra zaudetenen aldetik behar duen bultzada? Ba beldur diozuelako Batasuna legalari. Ez zaiozuelako interesatzen Btasunari dagozkio alkatetza eta eserlekuak bueltatzea, gatazka gestionatzen jarraitzea interesatzen zaizuelako, bestela pikutara doalako zuen txiringito ekonomikoa, Nafarroarekin bat egin ezkero behingoz boterea galduko zenutelako...

LOREG (hauteskundeen legea) delakoaren 181.1 artikuluan, ilegalizaziuoari aurre egin eta udalak bere jabeei emateko aukera zegoen Joseba Egibarrek Lizartzan egin zuen bezala. Josu Jon Imazen erabaki politikoak ekidin zuen gertatu behar zen hori, eta ilegalizazioa benetakoa egin zuen.

Ze ardura eta zeinena?

Nere ustez gai honetan arazoa ez da nork zer esaten duen, nork zer egin duen baino. Esaldiak, esanak eta esamesak interpretagarriak eta manipulagarriak dira. Bakoitzaren ekintzak, ordea, objetiboagoak dira.

Batasunaren legez kanporatzearen arazoan hiru eratako jarrerak nabaritu ziren:

Batasuna legez kanporatzearen alde bi alderdi azaldu ziren: PP eta PSOE.

Legez kanporatzearen kontra hiru alderdi: PNV, EA eta EB.

Ezer ez egitearen alde, bat: Batasuna.

Beraz, hortik aurrera, batek zer esaten omen duen eta besteak zer erantzun omen dio, neri bost ajola. Alderdi bakoitzak badaki zer egin zuen edo zer ez zuen egin eta gu guztiok ere badakigu bakoitzaren erantzukizuna zein den.

Batasunari dagokion erantzukizunari buruz dagoen zalantza bakarra zera da: Ezer ez egitea Batasuna berak erabaki zuen edo ETAk agindu zion? Nere iritzia nahi baduzue jakin, nere ustez ETAk agindu zuen... beti bezela. Eta, beraz, ardura berea da... mundu horretan beti bezela.

Aurreiritzi, topiko eta teleberriko diskurtsoez aparte eskaintzeko ezer baduzu Joseba? Hitzen gainetik ekintzak aipatzen dituzunez, ekintzetaz mintzatuko natzaizu.

Ilegalizazioaren aurrean Batasunak ez duela ezer egin uste baduzu, oker zaude. Hitz eta ekintzen bidez, beti aldarrikatu du legearen deuseztea. Hauteskunde bakoitzean, ilegalizazioari aurre egiten saiatu da makina bat ekintzen bidez, nahiz eta PNVk oso serio hartu, ekintza horiek desprestigiatzearen hautua. Tamalgarria da ilegalizazioa bertan behera botatzeko PNVk zerbait egin duela esatea. Independentzia lortzeko Ibarretxe Plana aurkeztea bezalakoa da. Antzua.

Hori bai, ilegalizazioa errealitate bihurtzeko egin dituen haibat eta hainbat ekintzen artean bat bakarra eta nire ustez esanguratsuena aipatuko dizut, berriz ere.

Lizartzan, Joseba Egibarrek (PNV abertzalea), Ezker Abertzaleari zegozkion eserlekuak bueltan emateko, hauteskunde legearen (loreg, ez banaiz okertzen) 181.1 artikuluaren aplikazioa abiatu zuen (PNV ilegalizazioaren kontra egin duen gauza bakarra. Eta ez etorri mesedez parlamentuan aurkeztutako zurikeria antzu eta penagarri horrekin). Imazek publikoki (min emateko) eta barneko bideetatik, 181.1 artikulua ez aplikatzeko agindua eman zuen (zuk uste baino hobeto dakit). Hori ez al da ekintza objetibo bat?

Gaur egun, hitzezko ekintzak, hots, ekintza politikoak egiten dihardu ilegalizazioa bere horretan mantentzeko. Zuk esan duzun bezala, PNV, ilegalizazioaren kontra "agertu" zen. Egun ordea, ilegalizazioaren "kontra agertu" arren, jendartearen zabalak ezagutzen ez duenaz profitatuta, tranpa berri bati ekin dio PSOErekin batera (beti bezala, zeinekin bestela? Ah, barka... PPrekin ere Estatu Paktuak egin dituela ahaztua neukan. Ekintza hori ere).

Aurrekoan esan bezala, PNVk, legalizatzeko baldintza bat jartzen du, epaitegiek eta legeak jartzen ez duena. ETA kondenatzea. Nahi duzuna izango da ETA kondenatzea (baldintza etikoa...), baina ez baldintza legala eta ezin duzuen egin gauza bat egiten duzue. Nahi duzuenean legea santutzat jarri eta nahi duzuenean ez.

Prozesuari dagokionez, PNVren ekintza eza, nahikoa ekintza izan zen, PSOE eta ETAren ekintza eta ekintza ezekin batera. Nahi baduzu, esango dizut PNVk izkutuan onartu eta Batasunak "con el culo al aire" utzi gabe publiko egin duena. Agian ez duzu nahiko jendeak, PNVren ekintza izkutuak jakitea, baina horiek ere, idatzita daude sinatuta ez dauden arren.

Aurreiritzi, topiko eta diskurtso erretoriko tipikoa da zure eskaintza Itaun. Zu besterik esan arren, eztabaidatu ezina dena da:

Batasunak ezin duela hauteskundeetan parte hartu Alderdien Legea betetzen ez duen artean.

Alderdien Lege hori PSOEk eta PPk onartu zuten. Ez euskal alderdiek.

PNVk, EAk eta EBk errekurritu nahi izan zuten Eusko Legebiltzarrean, baina PSEk, PPk eta Batasunak aurka egin zuten.

Eusko Jaurlaritzak (berriz ere, PNV+EA+EB) errekurritu egin zuen bere kaxa, baina Epaitegien erantzuna izan zen errekurritu behar zuena afektatu zuzena zela: Batasuna. Baina Batasunak ez zuen errekurritu.

Batasunak ez zuen errekurritu ETAk ez ziolako utzi.

Beraz, foro honen izenburuak dioen "ardura osoa ETArena" delakoa ez da oso okerra.

Beste guztiak zure iritziak dira, iritzi errespetagarriak, baina zureak besterik ez. Zuk nahi duzu zure iritziak "egia berdaderoz" jantzi. Baina ez da horrela. Mila aldiz errepikatu arren.

Bakoitzak zer egin duen Iñigo Urkulluk adierazi zuen atzo. Euren arteko batzarretan Batasunak laguntza eskatzen omen dio PNVri, PSOErekiko zubigintza egin dezan. Baina gero, mitinetan, bere jarraitzaileak berotzen ditu PNV PSOEren morroia dela esaten.

Urkulluk gogoratu duen bezala, Batasunak kriston soluzioa balitz moduan saldu zigun Anoetako agiria, baina Batasuna bera da bi urte geroago agindutakoa kunplitu gabe jarraitzen duena. Zergatik? Ba ETAk Anoetako agiria lehertu zuelako.

Joseba, ez beste alde batera begiratu mesedez. ETAk ez diola utzi eta holakoak bai direla zure iritzi pertsonala, baina nik aipatu dizudan Lizartzako kasua eta LOREGen 181.1 artikulua ez dituzu aipatu behar? Bestalde, ilegalizazioaren sententzia ez errekurritu izana gezurra izateaz gain, ez da zure mezuarentzat inolako salbokonduktoa. Horri buruz ere ez duzu besterik aipatu behar? Antzukeriak besterik ez? Harritzen nau zure jokabideak... Horrentzat ere erantzuna behar zenuke eduki, baina badirudi kasu horiek nahiago dituzula ez eztabaidatu zure kontran datozelako.

ASBk alderdien legea betetzen duela gogorarazten dizut, eta inon ez duela lege horrek (bestela irakurri behingoz) ETA kondenatu behar denik. Legalizaziorako kontraindizio bezala aipatzen du horrekin aski izango litzatekeela baina ez derrigorrezkoa. Nahiko infantila da berez nik esplikatu beharra, baina uste dut jakin badakizula, alderdien legea betetzen duten eta ez duten alderdiak erabaki politikoen bidez hartutakoak direla. Arrazoi berdinengatik EHAK ilegalizatua egon behar litzake eta ez dago. Rubalñcabaren erabaki politikoa besterik gabe. PNV benetan eta botu kopuruan ederki nabaritu zuena. Zergatik ez diozu argi eta garbi (eta hau ere Urkullurenak defendatzen ibili denarentzat doa) PNVk ez duela nahi Batasunaren legalizazioa? Egitan, ez dago besterik. PNVri ez zaio interesatzen Batasuna legal batek poltronetatik ateratzea eta badakizu. Ilegalizazioa gestionatzen PNVk pagotsa izan du eta ez du nahi hori galdu.

Zergatik ezartzen dizkio bestela alderdien legetik haratago doazen baldintzak?

Azkenik, Bingen, ez zeure burua engainatu. PSOE, Batasuna eta PNVren arteko eztabaidetan guztiek joaktu dute bi aurpegirekin. PSOErekiko zubilanen inguruan bide okerretik zoaz. Telefonoak bere lekuan daude eta PNVk ez du ezer erraztu. Alderantziz, Euskal Herriari iruzur bortitza egin dio eta azkenean publikoki bere benetako aurpegia erakutsi du. Anaitasunako proposamena, mahai horretako hiruek adostu zutela oso ziurtzat dut, baina ez zuten sinatu. Hartara, Batasunak publiko egin zuen, PNVk publikoki ezin ziolako muzin egin berak adostutakoari. Hala ere, PSOEk soilik salbatu dezakeenez boterea galtzetik (PSOEk berak ere ezin baitu PPrekin aliatu eta PNV behar baitu), akordioa bilatzen ari dira. Nire ustez, aspalditik zuten hitzartua prozesuan oztopoak jarri, ETAren ekintza behartu, Ezker Abertzalea ahuldu eta azkenean Autonomi Estatutu Iruzurtia berriz martxan jartzea.

Nik ulertzen ez dudana da, Urkulluk atzo, Anaitasunako proposamenari uko egin ondoren, PNVko sektore abertzale gutxietsia (ta nire ustez Imazek eta bere sektoreak gehiegitan humillatua) nola dagoen prest berriz ere independentziaren hautuari muzin eta uko egiteko.

Urkulluk atzo hitzegin zuen, baina Egibarrek ere bai, eta Urkulluren kontrakoa esan zuen. Ez al duzue uste PNVk, Batasunari hainbeste argitasun eskatu ta eskatu dabilela, argitasun gehiago zor diola bere bozkalegoari eta Euskal Herri osoari orokorrean?

Basta ya!

Uste duzue zuek ez duzuela ardurarik ezertan? Ardura osoa ETArena? Mesedez! Batzuetan ze patetikoa izatera iritsi daitekeen PNV. Ez zuk, Joseba, ezta PNV edozein buruzagik, ez dio asalto bat irauten Otegiri. Nik esango nuke, ezker abertzaleko edozein, Imaz baino hobeto ikasia dagoela. Autokritika egiten behintzat ziur. PNVk dena egin du ongi beti ez?

Benga! Orain berriz ere gezurrak esan edo ebidentzien aurrean isilik gelditzera ez? Horrela ezin da. Zuek bai exijitu nahi beste eta norabide orortan baina ez zarete kapaz aurrez-aurre hitzegiteko eta ETAren aitzakia besterik ez duzue. Zer diozu PNVk eragindako biktimei buruz? "Ah! eske ETA dagoen bitartean, besteoi berdin digu eta batak bestearen bizkarra estaliko dugu!" Hori esan zuen gutxigorabehera Urkulluk ez? Putrearena, benetan...

Zuen ez-erantzunen zain...

Edo oso txarrak zarete ordenagailuekin edo oso gaiztoak, hots, zentsuratzaileak. Ez duzue nire mezua jarri eta badakit heldu zitzaizuela moderazio kolan zegoela esan zidalako.

Gertatzen dena da, PNVk PSOE ta Batasunarekin negoziazio mahaian egin eta adostu zuena, zuen foroan bota dudala eta kaka egin duzuela praketan behera. Bingenek jakingo balu nik esandakoa, bere post txoroa borratuko luke. Josebak zer esanik ez.

Mesedez eskatzen dizuet zuen ustezko filosofia horrekin koherenteak izateko eta zuzen eta egoki idatzirik zen testua jartzeko. Bestela iritzi eta tematika batzuk soilik eztabaidatzea nahi duzuen manipulatzaile batzuk zaretela ulertu beharko dut. Zeri diozue ba hainbeste beldur?

Jon Jauregiren aferarekin ere berdin-berdina gertatu zitzaidan. Ezin eztabaida zabaldu zuen zentsurarengatik, eta hori, aita Arzallusek esaten zuena besterik esaten ez nuela... Atera kontuak, horrela nahi duzue eztabaida zabal bat?

PNVren zurikerian sakontzea baino beste zerbait gehiago lortu nahi duzuen foro honen bidez galdetu nahi nuen baina alferrik... Hori galdera txoroa. Badaude beste mila foro (egunkari bakoitzak gutxienez bat... Hemen egin duzuena kontatu eta publikatu ez dizkidazuen postak publikatzeko.

Bide batez, Joseba, Gaizka, Bingen, eta abar guztiak, pozik egongo zarete ez? Beti bezain duin eta joku-garbizale eh?

Aio!

Hemen nazkatzailerik haundiena ETA da. Seguraski Herri honek arazo asko ditu eta ETA ez da arazo bakarra, eta ETA bukatzen denean beste hainbat arazo izango ditugu. Baina, lehendabiziko arazoa, nazkagarriena, ETA da.

Alderdiek asmatuko dute gehiago edo gutxiago, egingo dute edo ez dute autokritikarik egingo. Baina alderdi bakoitzak du hiritarren botoek ematen dioten indarra, asmatu edo ez, arrazoi izan edo ez, autokritika egin edo ez. ETAri ez diogu eskatzen ez asmatzea, ez autokritikarik egitea. Eskatzen diogun aldegitea da.

Hemen botorik ez duen bakarra, nazkante bakarra, sobera dagoen bakarra ETA da. Eta ETA da Batasunaren trajediaren arduradun bakarra.

Itaun:

Rollista bat zara. Mila malabarismo egiten duzu nolabait adierazteko ETAk arrazoiak dituela borroka armatuan jarraitzeko. ETA gizagaixoak ez lukeela jarraitu nahi baina, besteek (Estatuak, egoerak, zapalkuntzak eta abarrek) uzteko arrazoirik ematen ez diotenez gero, ez zaiola beste erremediorik geratzen. Azken batean esan nahi duzu ETAri prezio politikoa ordaindu behar zaiola, bere gustua egiten ez bada ez dugula bakerik izango.

Beraz, hitz batez, Batasunaren indarra ez dela nahikoa. Batasuna ez dela ezer ETA gabe. Anoetako agiriaren aurreko diskurtsoa. Batasunak ETAren tranpan sartua jarraitzen du. ETAk ez dio askatasunik ematen. ETAk agintzen du. Pistolek agintzen dute. Eta pistolak dituztenen ardura da.

ETA kanpora¡

Zuena bai zurikeria galanta. Pozten naiz behingoz, zuen egia borobila zehazt mehatz jarri izana. Ez dakizuenez erantzuten eta eztabaida behar den bezala zabaltzen, berriz ere (Bingen... Gorkaren antz haundia duzu), eztabaida mugatu eta zuen egia unibertsalera eraman nahi duzue, bide batez, hainbestetan arbuiatu dudanaren aldekoa edo proetarra edo filoterrorista naizela egotziz. Zuek bai duzuela kopeta, eta rollista hutsak zaretela, betiko rollo aspergarriarekin bakarrik baitakizue erantzuten.

ETA-ETA-ETA. Ez dakizue besterik esaten. Nik esango dizuet, bada, Basajaun, Zabalza, Rosa Zarra, Kontxi Santxiz, Angel Berrueta, Unai Romano, Martxelo Otamendi eta abar hil eta torturatu dituztenek, nazka berdina eman beharko lizueketela, moralki duinak bazinate.

Baten hilketak besteen gainetik jartzen dituzuen bitartean, ez da izango zer eztabaidaturik, zuek, ezikusiarena egingo duzuelako, eta nik, ahazten hain trebeak zaretenak gogoraraziko ditudalako.

Nik kondena zehatzak egin ditut, bestela irakurri nire postak. Zuek ordea, txotxongiloek bezala, zuen jefeak esaten dizuena besterik ez dakizue errepikatzen. Hemendik hamar urtera lehendakariak nik aipatutako biktimei ere barkamena eskatuko die nahitara ahazteagatik edo betiko ahaztuak izatera kondenatu behar dituzuen haiek ere?

Ez dakit nor den Gaizka eta are gutxiago nor den nere (gure?)jefea. Baina erabat sinestuta nago gure arazo nagusia ETA dela. Ez dut esan nahi arazo bakarra denik, baina bai behingoz konpondu beharrekoa dela.

Hemen bakoitzak bere zeregina du. Eta ETAren zeregin bakarra armak uztea eta etxera joatea da. Eta Batasunak hori eskatu beharko lioke. Gero, guk elkarrekin eztabaidatuko dugu, alderdiek beren proposamenak egingo dituzte eta bakoitzak gustukuen duenari emango dio botoa.

Eta, faborez, ez "Basta ya" eta Ermuko Foroko jendeak egiten duena egin: Biktimak (alde batekoak bakarrik, jakina) aipatu eta biktimak norberaren arrazoiak indartzeko argudio erabili. Ez zaitez hain baju erori.

ETA etxera eta Batasuna hauteskundeetara¡

Hara nun igande goizen hemen sartu eta ikusten det Itaun nere buruz gogoratzen dala. Aspaldin sartu gabe eta ez dik ematen Itaun bate aldatu danik. Itauni ez zaiok ezer ere gustatzen ETAri buruz eztabaidatzea. Eztabaidatu nahi dik ETA egongo ez balitz bezela. Eta beti beste norbait dek erruduna: PNV, euskal gobernua, Nafarroa Bai...

Itaun "independientea", zintzoa, leyala, garbia eta nahi den guztia dek. Gañontzekok ordea morroiak, zuriak eta iritzi propio gabekok. Eta, gainera, bera omen dek nazkatzeko errazoiak dituna.

Beraz, Joseba eta Bingen, "trankil".

Ze lotsa gutxi!!!!! Nazkagarria eta ezin gehiago?


Ez hain baju erortzeko? Baina zein zarete zuek hori aurpegiratzeko? Ez baduzue ulertzen ere, berriz esango dizuet. Inoiz ez dut ETAri buruz eztabaidatzea ukatu eta ETA nire iritzi gehienetan sartzen da. Gaizka: Nik ETAren indarkeria arbuiatu nuen eta zuri eskatu nizun Ertzaintzak eta beste askok erabilitatko tortura bezalako indarkeriak izen eta abizenez arbuiatzea baina zu bota zinen atzera, NI EZ.

Nik dakidala, ardura osoa ETArena izena du azpi-foroak eta galdera horri erantzunez hainbat kontraesanetan erori zarete. Orain arte ETA zen errudun bakarra eta orain bakarra ez den arren nagusiena da. Buaf!

Biktimei buruz, norainoko nazka... Nola esan dezakezue biktimen kudeaketa iraunkorra egiten duzuen PNVzale nekatzeraino biktimistek ni naizela biktimista... Igandeko biktimen aldeko panplinan ikusi zen zeintzuk diren zuentzat biktimak.

Lasa eta Zabalaren senideak zergatik ez ziren gonbidatu?

Badakizu Kataluniako biktimen elkartea euskaldunara etor zedin Maixabel Lasaren bigarrenak, zin egin behar izan ziela ez zela egongo GALek eragindako biktimarik?
Igandeko ekitaldiak ZURIKERIA du izena, eta ez zarete salatzeko gai. 350 biktima, alboratuak izan ziren, baina zuen moralari hori bost!

Biktimak, ezker abertzalekoak bakarrik daude ahaztuak (gerra zibileko beste batzuekin) eta iraunkorki ostrazismora kondenatuak eta zuen oneritziz jaurlaritza egiten ari denak, bere buelta izango du, ziur. ez hartu mehatsu bezala, ez baita. Esan nahi dudan gauza bakarra da, egun Ibarretxe barkamen atzeratue ta antzuak eskatzen ari den bezala, hemendik 20 urteraere beste batzuei eskatu behar izango diela.

Hala ere ñabardura ttiki bat. Badakizue alde bateko biktimak ahaztu eta besteak saritzea, (Konfliktu armatuei buruz zerbait irakurri baduzue) beti-beti-beti muturreko taldeek egiten dutela? Eta zen alderdia ez da muturrekoa ez?


Erortzen naizen baju erortzen naizela ere, goitik begiratuko dizuet.

Gaur hai honetaz hitzegin da Radio Euskadin eta esango nuke ezer jakin gabe Itauni erantzun diotela. Ez naiz sartuko biktimak konparatzen, eta ez dut dudan jartzen ETAren aldekoen artean ere biktimak eta sufrimentua egon dela. Baina errudun haundiena ETA da. ETA da trantsizio garaian bere (bereak bakarrik) arrazoi politikoegatik borroka armatuarekin jarraitu zuena. Berak erabaki zuen estrategia horrekin jarraitzea, bere bizkar daude mila inguru hildakoren erantzukizuna eta berak eraman du euskal gizartearen zati bat (bere bizitza alferrik galdu duten hainbat gazte) norabiderik gabeko estrategiara. Zentzu honetan, ETA da bere estrategiaren erantzule bakarra, eta ETA da erruduna.

Baina gaur Radio Euskadin beste zerbait ere esan dute. Gernikako bonbardaketaren 70 urteurrena dela eta, aipatu dute 70 urte pasatu arren memoriak indarrean jarraitzen duela. Eta Arantxa Urretabizkaiak esan du, behar bada 70 urte barru ere borroka armatuaren ondorioak gogoratuko ditugula. Are gehiago kontuan izanik, Gernika bonbardatu zutenak kanpoko etsaiak (besteak) izan zirela, baina ETAren indarkeriaren kasuan, aldiz, hiltzaileak "hemengoak" direla. Hau da, ulertu dudanez, Gernika alemanek, frankistek edo faxistek bonbardatu zutela, kanpoko indarren izenean, baina ETAren biktimen hiltzaileak euskaldunak izan direla eta Euskadiren izenean.

Behar bada arrazoi du Itaunek. Hogei urte barru gai honek gure memorian jarraituko du. Baina, nere ustez, ez ETAren mesedetan, bere kaltetan baino. ETAren azken 30 urteotako estrategia gero eta salagarriago eta onartezinagoa izango da.

Joseba:
"Ez naiz sartuko biktimak konparatzen, eta ez dut dudan jartzen ETAren aldekoen artean ere biktimak eta sufrimentua egon dela. Baina errudun haundiena ETA da". Horiek izan dira zure hitzak. Alde batetik eskertzen dut behingoz orrialde honetan, norbaitek biktima horiek kontutan izatea, biktima horien erantzuleak arbuiatu ez arren. Hala ere, ETA dela errudun handiena esaten duzunean, zer esan nahi duzu? Beste erruek ez dutela merezi jarraipen edo ekinbide berdina? 1000, 350en gainetik daudela gehiago direlako?

Gernikakoa aipatu duzu eta PP eta frankistak etorri zaizkit burura. PNVek ez al zuen frankistekin bat egin??? Datu historikoa da ez? Ez nago hain ziur une honetan baina Santoñan izan zela uste dut.

Bestalde, PNVk PPrekin estatu paktua sinatzean (Arzallus eta Aznar PPren egoitzan batu zituen argazkia) zergatik ez zion PNVk jarri Ezker Abertzaleari jartzen dion oztopo bera? PPk ez du frankismoa kondenatu eta PPkoei bezala PNVkoei esatea gustatzen zaien bezala (Batasunari buruz), "Alemanian ilegala izango litzateke", baita ere aurreko erregimen diktatoriala eta berak sortutako biktimak kondenatzen ez dituena. PP ilegalizatu beahar da orduan? Meliton Manzanas eta Carrero Blancori barkamena eskatzea zilegi da PPk eta PSOEk ez dutenean sekula GAL edo Faxisten biktimak errekonozitu ere egin?

Setatiak zarete eta neu ere banaiz. ETAra nahi duzue mugatu eztabaida eta nik zabaldu egin nahi dut. ETAk bere erruak ditu, eta gehienak izan daitezke ikuspuntuaren arabera (ni ados ez nagoen arren), baina biktimak eta sufrimendua gatazka politikotik (guztion ardura dena) separatzen baditugu ez dago konponbiderik. PNVk igandeko ETAren biktimen omenaldian egindakoarekin zerikusia duen zerbait aipatu nahi dizut, Radio Euskadi aipatu duzularik.

Xabier Lapitzek, COPEko La Linternan Cesar Vidalek Gernikari buruz esandakoa arbuiatu du. Vidalen hitzetan, ehun hildako izan ziren Gernikako bonbardaketan buruzagi nazionalistek ez zutelako gordelekurik egin eta bonberorik ez zegoelako.

Igandeko ekitaldi lotsagarriak ere badu hortik zerbait. Ezker Abertzalearen 350 biktima errealek (badakit kartzelan hildakoak, erreka ondoan torturatuta eta hilda agertu direnak eta lehergailuek eskuetan eztanda jasandakoak ez dituzuela kontatzen) ez dute inolako merezimendurik eta ETA dagoenaren aitzakian niguneatuak, ez onartuak eta nahitara ahaztuak dira. Noizbait, horiek erekontutan hartu beharrekoak izango dira ez?

Ardura osoa beraz, ez da ETArena. Arduradun asko daude, ekintza lotsagarri askorenak. Gainera, nik dakidala, Ynestrillasek bere alderdi politikoak ditu eta izan ditu.

Josebak erantzungo du nahi duena baina nerea esan nahi dut. Alderdiek egingo dute nahi dutena, asmatuko dute edo ez, izango dituzte beren interesak eta sinatuko dituzte momentu bakoitzean komeni zaizkien hitzarmenak edo konponketak. Baina guzti hori demokrazia da. Eta bakoitzak jakingo du botoa eman edo ez,eta nori.

Baina ETA joko-arau hoietatik kanpora dago. ETA armak erabiltzen dituen talde armatu bat besterik ez da. Armarik gabe ETA lagun-koadrila obsoleto, patetiko eta zorigaiztoko bat da. Eta ETArik gabe, Batasuna alderdi bat gehiago baino ez. Eta ez handienetakoa.

Beraz, ETA da euskal terrorismoaren arduradun bakarra. ETAri ez dio inork euskal ordezkaritzarik eman. ETA (Euzkadi Ta Askatasuna) Euzkadiren izenean erailtzen du. Eta punto.

ETA kanpora¡

Ai, Bingen (edo Gaizka, edo zarena zarela)... Zu zer? Itsu-mutu-gor?

GAL, Rosa Zarra, Lasa ta Zabala, Basajaun eta Zabalza, GALindo, Ynestrillas, tortura sistematikoa, hedabideen itxierak... Entzun eta ikusi nahi ez izateak ez du errealitatea ekidingo. Zuk arbuiatzen duzunaren zakuan erortzen ari zara. Zergatik ez esan, indarkeria guztiek garrantzi bera dutela eta denek desagertu behar dutela aldi berean?

Ikusten da nolako garrantzia ematen diozuen iaz hego Euskal Herrian hil ziren 129 langileei. Niretzat hori bai dela terrorismo basatia. ETAk 4 urtean 2 pertsona hil ditu. PNVk hainbeste babestu eta lan baldintza prekarioak ekiditeko legeak betetzen ez dituzten (gainera santziorik ere jartzen ez zaiena) patronalaren esku ordea, 1000 langiletik gora hil dira 4 urte horietan (ETAk bere historia guztian baino gehiago).

Euskal Terrorismoa zer den ez didazu zuk inposatuko. Nik zure sentsibilitatea errespetatzen dut baina zuk nirea zapaldu egiten duzu.

Ai, Itaun (MLNV edo zarena zarela), lan-prekarietatea, lan-istripuak eta ETAren terrorismoa konparatzen dituena eta aukera horri "sentsibilitate" deitzen diona ez dago burutik sano. ETAren zorigaiztoko balantzea azken lau urteotako bi hildakoekin likidatu nahi duena bai dela itsu-gor. Ez ordea mutu, praktikan ETAren diskurtso berdina daukazu-eta.

Zuk, sakonean, ETA "zerbaitegatik" dagoela hor uste duzu. Behar bada ez duela beti ondo egin baina... badagoela hor ETArenak merezi izan dituenik. Eta horri errespetatu beharreko sentsibilitatea deitzen diozu.

Ez, Itaun, pertsona guztiak dira errespetagarriak, ez ordea ideia guztiak.

ETAren existentziaren ardura guztia ETArena da. Ez dugu talde enkaputxatu erahiltzailerik nahi. Ez dugu euskal KuKus-Klanik nahi. ETA kanpora¡

Iganden berriz ere sartu ta argi zegok Itaunek ez naula aztu. Aste bat gerugo ta Itaunek jarraitzen dik betiko rrolloetan eta bera, jakina, beti txintxoena eta errespetagarriena.

Ez duzue diskurtsorik, ez duzue eztabaidarik onartzen; gainera, beti bezala, iraina besterik ez duzue erabiltzen.

Burutik sano nagoela, egia izan beharko da, zuk iraintzeko besterik erabili ez duzun arren. Nik ez dakit burutik sano zaudeten edo ez, baina iaz 129 lankidek lanean bizia eman izana, ez da zuk gutxiesteko gaia. Zure PNV maiteak, ez ditu enpresetan behar bazalako neurriak hartzen eta arriskuen evaluazioak egin gabe dituen enpresari ez dio isunik jartzen, galdetu bestela ELAn. BORONDATEZ EGITEN DA HORI ZUEN LAGUN ENPRESARIEI GEHIEGIZKO PRESIORIK EZ SARTZEKO. Hori baina, zuen moralo faltsu eta biziatuan, onargarria da. Ez da terrorismoa, ez instituzionala ez beste inolakoa, zuek esaten duzuelako eta moral oso eta egiazkoaren jabeak zaretelako.

Ba niretzat terrorismo hutsa da, emakumeen aurkako bortizkeria bezala. Tabakoa saltzen jarraitu baina bera ilegalizatzen duen estatuaren gisakoak zarete, ez?

Dena dela, terrorismo politikoaz bazabiltz? Ze zilegitasun duzu hildako batzuk besteen gainetik jartzeko? Hildako motak sailkatzen masterra duzue PNV ala? Nik ez dut ulertzen zer uste duzuen zuen buruaz eta zuen indarkeriaz.

Hildako eta zauritutako guztiek errespetu bera mereziko dute bada, ez? Ala zuentzat ez?

Arrazoi guztia ematen dizut gauza batean. ETA egotearen ardura osoa, ETArena da, eta hala bedi. Ez nuke imaginatu nahi, bere jabe ez den ETA batek sor lezakeen sarraskia. Hala ere, gatazka politikoa egotearen ardura ez da bada, ETArena ez? Ala bai?

Eta pena gehien ematen duzuen unea, besteen biktimak gutxietsi, zuen biktimak (Meliton Manzanas eta Carrero Blanco barne) goraipatu eta zuen aurka dagoen orori biktimista deitzen diozuenekoa da. Tristea...

Hilaren 26ko idatzian, huntaz eta hartaz luze aritu ondoren, Itaunek amaitzen du esaten: "Ardura osoa beraz, ez da ETArena". Horretan laburbiltzen da Itaunen diskurtsoa. Han-hemenka txipiroi-tinta barreiatu erruak banatzeko. Eta bide batez, honako mezua ustekabean zabaldu: "ETA ez da erabateko erruduna. ETA ez dago bere kaxa, nahi duelako, egoerak behartua baizik. ETAk etxera joan nahi luke, baina Euskal Herria ETAren beharretan dago". Eta hau dena gezurra da. Batasunaren gezurra. Gezur interesatua.

Horrez gainera, Itaunen ETAren aldeko argudioa ikaragarria da. Testu berean gogoratzen ditu GAL, Lasa eta Zabala, Galindo etab. Eta gero, berriz, ETArenak aipatzerakoan, azken lau urteotan bi pertsona bakarrik hil omen ditu. Hori da historia kontatzeko modua¡ Batzuk salatzeko hogei urte behar eta beste batzuk libratzeko lau kontatzea hobe.

Horrez gainera, lan-prekarietatea, torturak eta ETAren terrorismoa maila berean jartzeaz gainera, enpresei isunak ezarri nahi eza PNVri leporatu, Lan Departamendua EArena izan arren.

Itaun, gero eta hobeto ezagutzen zaitugu. Jadanik ez duzu inor engainatzen.

Nire mezuak zentsuratu egiten dituzte web honetan, beraz kosta egiten zait aukera berdintasunean zuekin mintzatzea. Tamalez azken bi mezuak ezin izan ditut kopiatu eta ezin ditut berriz jarri.

Zuei erantzundakoak ez dira agertzen. Hala ere, inor engainatzen ez duzuenak zuek zarete, eta ez ni, nik gertakariak aipatzen ditudalako eta zuek berriz ezkutatu. Nireak ez diren hitzak jartzen dituzue nire ahoan.

Indarkeriaren inguruan jorratzen duzuen diskurtsoa erabat negargarria, faltsua eta inmorala da. Biktimekiko ez daukazuen legitimitate bat aitortzen diozue zuen buruari eta besteok ezin ditugu gure biktimak aipatu ere egin, bestela biktimistak omen gara.

20 urte atzera joan gabe, Kontxi Sanchiz, Angel Berrueta, Basajaun eta Zabalza eta beste zerrenda luze bat idatzi dezaket. Ez al zarete inoiz konturatuko 1000ren izenean ezin direla 350 zapaldu eta ahaztarazi???

Nik momenturarte ez du ETAren defentsa bakarra ere egin. Zuen diskurtsoa besteonak tapatu nahian gainjartzea patetikoa da eta ez zarete gai argudioz erantzuteko, ez daukazuelako ETA ez den beste argudiorik. Utziozue indarkeriaren inguruan malabarismoak egiteari eta ez izan gezurti eta faltsuak.

Inddarkeria guztiak berdinak dira edo ez? Basajaun biktima da edo ez?

Maiatzaren 1eko langile egunaren ospakizunak direla eta foroko mezuen moderazioan hainbat atzerapen izan dira. "Itaun" erabiltzaileak apirilaren 30ean bidalitako mezua atzerapen horren ondorioz maiatzaren 2an argitaratu da, eta mezu kate honetan bertan irakur daiteke.
eginbehardugu.com

Arazo latza daukazu, Itaun. Zuk dohai guztiak alde batean jartzen dituzu eta pekatu guztiak beste aldean. Zure diskurtso manikeo horretan, ETA, Batasuna, abertzaleak, langileak, prekaritatearen kontrakoak, emakumeen aldekoak, tabakoaren kontrakoak, ekologistak, zintzoak, PNVren kritikoak, torturaren salatzaileak etab. alde batean jartzen dituzu. Eta, aldiz, ETAren kontrakoak, Batasunaren kritikoak, ez abertzaleak, enpresari gaiztoak, prekarietatea defendatzen dutenak, matxistak, erretzaileak, kutsatzaileak, maltzurrak, PNVren zale amorratuak, torturatzaileak etab. beste aldean. Eta zuk jartzen duzu zure burua lehen taldean eta foro honetan kontra egiten dizun edonor jartzen duzu beste taldean. Eta horrela zure diskurtsoa aldez aurretik daukazu eroso-eroso erabat egituratua eta eskema hori hausten dizunari esaten diozu ez duela diskurtsorik edota zeharo ulergaitz eta patetiko gertatzen zaizula.

Badakit errazagoa litzatekeela mundua zuk nahi duzun bezala balitz, baina zuk besterik uste arren, bagara batzuk ETAren eta Batasunaren kontra egon arren, abertzaleak eta langileak garena, prekaritatea eta matxismoa defenditzeko gertu ez gaudenak, torturen kontra gaudenak, ekologismoaren eta duintasunaren alde gaudenak eta une oro PNVa defenditzea gure zeregintzat jotzen dugunak.

Zurekin eztabaidatzeko zure kontrakoak defenditzeko aurkitzen ez baduzu, ez dakit norena izango den errua baina ez behintzat nerea. Ni ETAren kontra nago eta zu, ordea, ez. Eta hori da ni arduratzen nauen diferentzia haundiena. Zuk onartu duzu, azkenik, "ETA egotearen ardura osoa ETArena da, eta hala bedi". Ba oso ongi. Baina ni zurekin ez naiz metro bat ere inora joango. Ez nere laguntzarik eskatu. Ez behintzat Euskadiren izenean. Zure Euskadi eta nerea desberdinak dira. Zu zara hiltzaileekin dagoena, bere estrategia defenditzen duena. Zure aukera da.

Falta zitzaidana jada. Nik ETAri buruz pentsatzen dudana behin naino gehiagotan esan dut foro honetan, eta ezikusiarena egin eta hiltzaileen ondoan nagoela besterik ez didazue esaten, Gaizkak ondotxo dakien bezala. Hori ez da argumentu bat, eta niri egotzi didazun guzti hori (zaku batean edo bestean sartzearena baita) zeure buruari aplikatzen hastea hobe duzu. Batasuna eta nire arteko lotura ez da zuk uste duzuna, benetan. ETA arazo latza da, baina ez bakarra, ezta garrantzitsuena ere. Nire ahalegin nabarmena, hildako guztiak maila berean jartzea da, eta ez batzuk besteen gainetik. Ezker Abertzalean soilik, 350 hildako, 7000 torturatu, alderdi eta hedabide ilegalak, justiziarekin zerikusirik ez duten epaiketa fartsa andana eta abar luzea pairatu dira eta eskubide politiko eta zibil horien urraketak, beste eskubide politiko eta zibil guzti-guztien maila berean egon behar du.

Torturaren kontra zaudela diozu, baina hori, PNV independentista dela esatea bezalako faltsukeria edo zurikeria galanta dela uste dut, torturatu eta erahil batzuei egiten diezun mespretsua dela medio. Hala ez bada, barka nire aurreiritzia. Hala ere, hitzez soilik kontra egotea zurikeria galanta iruditzen zait, uneoro eskubide urratu horien gainetik beste batzuk jartzen badituzu. Nik oso hurbiletik ezagutzen dut tortura eta PNVk torturatuekiko egiten duen joku bikoitza eta beraz, ez didazu aparteko azalpenik eman behar.

Nik ere ez nuke nahi zurekin inora joan nahi, baina egunen batean joan beharko dugu elkarrekin gauzak konpontzera.

Nire amtesetako Euskal Herria, euskal kulturaren sustraietatik nazio-aniztasunean loratutako zuhaitz txiki bat da. Nire herri horretan, enpresariek ordaintzen ez dituzten delituak (129 hildako segurtasun neurriak ez errespetatzeagatik, eta hori delitua da lagun) ordainduko lituzkete, etxebizitza eskubidea ez litzateke enpresari eta bankuen esku egongo, PNVren urbanismo basatiak ingurumenaren errespetuari egingo lioke lekua eta Boroako zentral termikoa, erraustegia, AHTa, Supersurra (guztiak herri borondatearen aurka inposatutakoak)eta holako edozer egin baino lehen, herriari egingo nioke galde. Nire Euskal Herrian, ez zen errepresio politikorik onartuko eta gure historia latzari so eginez gero, indarkeriaren leku eza, "inposatuko" nuke.

Nolakoa da zurea ba?

Eskerrik Asko foroaren administratzaileei argipenengatik. Hala ere, nik idatzitako beste mezu batzuk zentsuratuak izan direla azpimarratu nahi dut, ez dakit ze argudioren arabera.

Itaunek: "PNV independentista dela esatea bezalako faltsukeria edo zurikeria galanta dela uste dut"

Eta orduan norekin lortu nahi du independentzia ezker abertzaleak? PNVren hautesleak alderdia baino independentistago direla uste al duzu? Eta zergatik ematen diote bozka orduan EAJri?

Uste dut ez litzatekeela mezurik zentsuratu beharko, baina bestalde jakin nahiko nuke ea beste zein alderditako webgunean idatzi daitezkeen alderdiaren beraren aurkako horrelako kritika gogorrak.

Oso erraza Galder, milesker galderarengatik.

Ba egia esan, PNVko botu emaleen gehiengoa independentista dela uste dut, baina aginte organoetan, hortxe-hortxe dabiltzala. Agian kontua ez da independentista den ala ez, baizik eta bere prioritateen artean, zein gailentzen den.

Botu kopurua darabilzue beti ahoan, guztia horixe balitz bezala. Nire kasuan, egia esan, askoz zoriontsuago izango nintzateke nire alderdiaren proiektu politikoa osoki aurrera atera boturik gabe geldituko banintz, nire proiektu politikoan ezer aurreratu ez (PNVren kasuan ustezko proiektu politikoa, hots, independentzia) eta botuz kolkoraino egotea.

Zergatik baina bozkatzen dio hainbeste jendek PNVri? Hasteko ez da hainbeste. Batasunaren bikoitza gutxigorabehera. Hala ere, ezin dituzu begiak itxi ebidentziaren aurrean. Bada, "PSOE edo Mayor Oreja lehendakari ez izateko, nire botua PNVri emango diot". Finean, erdaraz, "el mal menor" esango litzatekeena.

PNV ez dela independentista uste dut, osoki, Josu Jon Imaz alderdiko buruari entzun diodalako esaten: "La independencia es un concepto del siglo pasado", "Hay que cautivar a España" eta beste milaka adibide, etxean ondo gordeta ditudanak. Egia da gero Egibar ateratzen dela esaten, "Antes de cautivar nos tienen que respetar" edo "La independencia es mas necesaria y actual que nunca", bestela PNVren botanteek ez luketelako jakingo nora jo ere.

Arzallusek esan zuen Jon Jaureguiren afera gertatu zenean (oraindik konpondu gabe dagoena), Jauregiren kontrako ekimena alderdi barrutik atera zela "y que responde a un futuro pacto post-electoral con el PSOE". Inoiz baino argiago dago egun, PNV barruan borroka potoloa dagoela horren inguruan eta batzuek ez dutela nahi asteu, besteek duten indepèndentzia gosea. Nire herriko zuen alderdikideak ez daude bada, batere ados Imazekin eta bere mahai azpiko jokuekin.

Bukatzeko, soilik esan, Batasunarekin akordio politikoak ukatu eta PSOErekin edo PPrekin bilatzen dituenak independentziatik oso urruti kokatzen duela bere burua, inkonpatibleak baitira. Non dago independentzia usaina duen zerbait Katalunian, ERC eta PSC elkarrekin egonda? Ez da posible. Kontrapartidak kontuan hartuz, ez da biablea. Batasunarekin akordioak lortzeko indarkeria desagertzea exijitzen du baina GAL eta torturen PSOEri ez dio aipatu ere egiten. AIPATU ERE EZ, eta hori grabea da.

Milesker.

Ze diskurtso zahar eta errepikatzailea, baina errealitatearekin batere zer ikusirik ez duena.

Egia da EAJren barruan iritzi ezberdinak direla baina askoz ere ezberdinagoak dira PSOEn eta Batasunan. Ezberdinagoak eta sakonagoak gainera.

EAJ da aipatutako hiru alderdietatik Bakegintza eta Normalizazio Politikoaz dokumentu bateratua duen bakarra. EAJren dokumentua aho batez onartu zuten bai EBBk eta alderdiaren Aberri Batzarrak ere. Hor ez dago iritzi diferenterik, nahiz Batasunak (eta Itaunek) besterik nahi izan.

Bitartean, PSOE ez da gauza izan berak egin nahi lukeena paper batean jartzeko eta Batasunak, berriz, ez daki zer egin. Ez dakite independentzia nahi duten, autodeterminazioa, hegoaldeko lau herrialdeentzako estatutua edo hiru lurraldeentzakoa. Azken bi urteotan laurak defenditu dituzte, bata bestearen ondotik, eta aukera bakoitza defenditu izan dutenean, unean uneko onena balitz bezala defenditu duten. Are gehiago, Batasunaren barruan (eta ETAren barruan) oraindik badira borroka armatua defenditzen dutenak eta kontra daudenak. Horiek dira diferentzia sakonak, ez beste edozein alderditan egon daitezkeenak.

EAJ eta Batasunaren arteko diferentziarik haundiena hau da: EAJk dio euskal nazioaren aldarrikapenak ez duela mugarik, bi baldintza betetzen badira, gaur egun indarrean dauden markuetatik abiatuz eta hiritarren arteko gehiengoak lortuez gero. Eta Batasuna-ETA bikoteak, berriz, 30 urte daramatza biak ukatzen. Bai markuak eta bai gehiengoak ere.

Jakina Batasunak (eta Itaunek) nahi lukeela EAJk bere bi zutabe nagusi horiek zalantzan jartzea baina hori da Batasunak nahi lukeena, ez EAJk egingo duena.

Jakina Batasunak (eta Itaunek) nahi lukeela EAJk beste bideren bat hartzea, baina EAJk (buruzagi batzuekin edo beste batzuekin) funtsean bide berbera eta bakarra darama azken 30 urteotan.

Jakina Batasunak (eta Itaunek) nahi luketela EAJren burukideak hautatzea baina EAJren burukideak jelkideek aukeratzen dituzte, ez Batasunak. Eta Batasunarenak, aldiz, ETAk.

Horregatik, hain zuzen, Batasunaren barruan gertatzen denaren ardura guztia ETArena da.

Aupa Joseba...

Diskurtso zahar eta errepikatzailea egotzi didazu niri, baina errealitatetik urruti dagoen diskurtso zahar eta errepikatzailea, zeurea da. Beste diskurtsorik erabili al duzue inoiz, bada? Bada, ez. Horrelako gezur faltsuekin ez zoaz inora Joseba, debatea termino errealetatik ateratzea ez bada zure intentzioa, bederen.

Informazio gisa soilik esango dizut, Batasunako buruzagiak, herriz herri egindako herri batzarretan aukeratzen, onartzen eta bozkatzen direla, eta mahai nazionalak men egiten diola erabakiari. Zenbaki kontua. Aparte, nik dakidala, PNVn Egibarrek atera zuen botu kopuru handiena, baina ez da bera EBBko burua. Horiek datu erreal eta konstatatuak dira. Batasunako buruzagiak ETAk ezartzen dituela, PPren lineako gezur maltzurra da, PNVren betiko linean baita. Badakit askotan errepkatuaz egia bihurtu nahi duzuela, baina ez da horrela, beraz, zentzu horretan behintzat, gezurtia zarela edo gezurti bezala jokatu duzula esan nahi dizut.

Ikusten da gainera, Batasunarekiko dituzun aurreiritziek ez dizutela errealitatea ikusten uzten, eta nahiago duzula nahasmena zabaldu datu objetiboez aritu baino. Oso modu errazean eta hiru urteko haur batek ulertzeko moduan azalduko dizut, nahiz eta zuk, PNVk bezala, ezikusiarena eginez erantzungo didazun.

Batasunaren helburu estrategikoa, independentzia eta sozialismoa dira, eta beti izan dira. Horretarako, independentziaren kasuan behintzat, autodeterminazioaren defentsa egin du beti, 1996tik aurrera derrigorrezko ardatz bezala ezarri bazuen ere. Independentzia eta autodeterminazioaren defentsa beraz, betidanik egin du, ez zuek bezala, eta bata bestearekin kontrajarrita, sekula, eta ez PNVk eta Josebak bezala.

Bestalde, hego Euskal Herrirako, eta ipar Euskal Herrirako marku autonomikoen proposamena egon da, PNVk onartzen duena, baina publikoki ez. Proposamen hori, ez da inolaz aurreko bi terminoekin kontrajartzen, independentziak helburu estrategiko berbera izaten jarraitzen baitu. Areago, egungo markuetatik ezin denez lortu ez independentzia ez autodeterminaziorik, aukera berdintasunean eta gehiengoek onartuta, hego Euskal Herriak eta PNVren Espainia maiteak bizi fduten gatazka konpontzeko proposamena egiten du, PNVren lerroetara hurbildu eta PNVri ere, bidea errazteko.

Hego Euskal Herrirako marku hori, hortaz, gatazkaren konponbidea da, baina PNVri ez zaio interesatzen, Nafarroarekin batera egon ezkero, bere botere maitea galduko lukeelako. Beste aitzakia guztiak, horixe besterik ez dira, aitzakiak, edo gezurrak.

Batasunak ez dituela gehiengoak eta markoak errespetatzen diozu, eta gezurra da. Gehiengoak exijitzen ditu, baina ez Imazek nahi dituen gehiengoak. 50 + 1, gehiengoa da, eta Imaz da gehiengo hori onartzen ez duena eta gure eskubideei "jandikap" berri bat ezartzen diona. Gernikako Estatutuak baino onarpen handiagoa izatea. Baina pentsa ezazu errealitatean... Egoera horretara heldu, eta herritarron ehuneko 59ak independentzia eskatzen du. Imazek ez luke onartutko, Gernikako Estatutu iruzurtiak 60a baino gehiago lortu zuelako. Egoera antidemokratikoa berriz ere, ehuneko 41, ehuneko 59aren gainetik ezarriko zelako, PNVren laguntza ordain ezinarekin.

Gernikako estatutua iruzurra izan zen. Oroitzen al zara "Estatutuarekin Autodeterminazioa", edo "Autodeterminazioarekin presoak kalera", PNVren lelo zaharrak???

Ibarretxek dio, hurrengo legealdian kontsulta bat egingo duela... Beste iruzur bat. Zerri deitzen dio kontsulta Ibarretxek??? Estatutu berritu bat onartzeko botazioari, Kataluniako Estatut bat bezala??? Falta zena da Estatutu berritu bat erreferendum bidez ez hautatzea. Hori legeak esaten du, eta ez Ibarretxek, beraz, ez da ari inolako kontsultarik bideratzen, Estatutu iruzurti berri bat planteatzen baizik. Gernikako iruzurrak 30 urtez urrundu gaitu autodeterminazio eskubidetik, eta estatutu berriak, Ibarretxe Planaren terminoetan, inposiblea egingo du berriz ere autodeterminazio eskubidea.

EAk ere, ELA, Aralar, Batasuna eta beste batzuk bezala, egungo markua agortuta dagoela esaten dute, eta zuek zarete onartu ez duzuen bakarrak, espainolen eskutik berriz ere.

Erantzun galderari mesedez: PNVk zergatik ez dio PSOE eta PPri eskatzen GAL eta 350 erahilak, 7000 torturak, ilegalizazio edo epaiketa fartsak (ibarretxerena barne) arbuiatzea akordio politikoetara heltzeko, eta Batasunari bai???

Kaixo 18 urte egin nituenetik EAJ bozkatzen dudan irundar alderdikide bat naiz. Historia ikaslea naiz eta ondo ezagutzen dut Euskal Herriaren historia triste eta odoltsua. Beti esan dut lotsarik gabe, EAJk akats asko egin dituela historian zehar eta izan duen ardura handiarengatik, behin baino gehiagotan sartu duela hanka. Behin baino gehiagotan arrazoia eman diet EAJk gure herria saldu duela esan dutenei, esaterako, neuri ere, Santoñan gure herria saldu zuela iruditzen zaidalako, baina trantsizioaz geroztik, herri hau behar bezala gobernatu du. Gaur egun triste nago EAJko buruzagitzaren erruz. Ez dut ulertzen estrategia politiko hau eta ez dut ikusten nora garamatzan. Egia esan behar badut, ikusten dut nora garamatzan baina min ematen dit begien aurrean ikusten dudanak. Atzo Josu Jonen hitzak entzun eta irakurri nituen eta ETAk T4an egindakoak baino min gehiago eman zidan. Akabo gure EAJ. EAJ berri eta arraro baten aurrean sentitzen naiz, eta ez dut nire burua, gure buruzagiekin identifikatzen. Noizean behin Egibarren hitzek lasaitzen naute, baina ez dago modurik Urkullu, Azkuna, Bilbao, edo Imazekin. Botere gosea ikusten diet eta nire botua nola erabilio duten pentsatzeak egonezina sortzen dit. Egia da eta ezin ditugu begiak itxi. Gu ez gara, EAJ, ETAren aurkako borrokan lehen lerroan egon behar. Gu, Euskal Herriaren eskubideen defentsako lehen lerroan egon behar gara eta gaur egun, ez gaude. Arren eskatzen diet, oraindik nire uste dudan alderdiko buruei eta jende egituratuari, gatazka politikoaren konponbideko lehen lerroan jartzea.

PNV NORA ZOAZ? EUSKAL HERRIA SALDU NAHI DUZUE? I ETA NI BELA JENDE PILA BAT AUREAN EDUKIKO GAITUZUE ETA ZUEN ERTZANTZA BIDALTZEN BADUZUE URTE LUZEETAN BEZALA EGURRA EMATERA, HORREK ERANTZUNA IZANGOU!

EMAN HITZA HERRIARI!
ERRESPETATU HERRIAREN HITZA!
PNV EUSKAL HERRIA EZ DAGO SALGAI!
EUSKAL HERRIA EZ DA NEGOZIO EKONOMIKO BAT!

Itaun:

Rollista haundia da zara. Rollo haundiak eta luzeak idatzi arren ez duzu ezer esaten eta esaten dituzunak gezurrak dira. Ez dizut zure aukera politikoa eztabaidatuko baina bai zuk ematen dituzun datuak. Ez zara batere fidagarria. Gezur haundiak esaten dituzu "ea pasatzen diran" baina zu eta zure modukoak lasatzeko baino ez dute balio.

Zuk esaten duzu Imaz izan arren Egibarrek lortu zituela boto gehiago. Eta esaten duzu: "Datu errealak eta konstatatuak dira". Ni dakidanez ez dira errealak eta, beraz, ezin konstatatu. Egia da Egibarrek irabazi zuela Autonomi Erkidegoan, baina ez, ordea, Iparraldean eta Nafarroan. Ni ez naiz afiliatua eta egunkarietan agertutako informazioa besterik ez dut. Hala ere, zuk badiozu "konstatatuak" direla jakingo duzu noiz eta non konstatatuak. Ez du balio "konstatatuak" direla esan baina ez agirian "konstatatu".

Gernikako Estatutuaren onarpena, Estatutu berria gehiago handiagoz onartu beharra edo ez, herritarron %59k independentzia eskatzen omen duela... Denak nahasten dituzu. Batetik, Gernikako Estatutua onartu ez zituztenak ETA, Batasuna eta PP izan ziren. Beraz... hobe duzue isilik egon Batasunakoak eta PPkoak zaretenak.

Bestetik, Estatutu berriak Gernikako Estatutuak baino botu gehiago lortu beharra ez da Imazen aldarrikapena, Ibarretxeren Planarena baino (EAJ, EA, EB). Eta, gainera, teoriaz PPk eta Batasunak gustora hartu beharko lukete proposamen hori, euren orain dela 30 urteko ezetza nolabait gainditzea/justifikatzea suposatzen duelako.

Horrez gainera, zuk diozu herritarren %59k independentzia nahi duela. Baina zein da zure "herria". Egibarrek irabazi zuen Erkidegoa edo Imazek irabazi zuen Euskal Herria?

Baita ere Ibarretxeri iruzurra leporatzen diozu kontsulta agindu arren ez duela kontsultarik deitu. Bai, baina ahaztu egin zaizu esatea "indarkeriarik ezean" esan zuela eta ETAk lehengo lepotik jarraitzen du edo edozein unetan egin dezake beste sarraski bat.

Beraz, Itaunek esaten dituenak faltsuak eta erdipurdikoak direla garbi dago. Zalantza bakarra hau da: gezurtia dalako edo ezjakina delako? Bi kausetan fidagaitza.

Nik ez dut eman orain arte botorik. Aurrekoan izan nuen aukera baina ez nintzen "ausartu". Oraingoan, ordea, erabaki dut nire "birjintasuna" galtzea. Eta emango diot botoa EAJri, Xabier Garciak dioen bezala EAJ delako dagoena "ETAren aurkako borrokan lehen lerroan". Gainera uste dut ez daitekeela egon Euskal Herriaren defentsan lehen lerroan egon, ETAren aurka lehen lerroan egon gabe.

Nere ustez, EAJ salbu, beste alderdi guztiak nokeatuak daude: PP burua galduta, PSOE "groggy" eta Batasuna bere amets gaiztotik atera ezinean. Gainera, ez dut EAJ "eliminazioz" bozkatuko, sinesmen guztiarekin baizik. Atzo entzun nion Imazi "59 segundos" programan eta berak ditu gauzak oso garbi.

Niri beldurra ematen dit Anderren aldarri horrek. Eta are beldur handiago HERRIAREN izenean esatea. Horrelakoek konfunditzen dituzte beraien eta Euskal Herriaren interesak eta enfrentamentuan oinharritzen dute beraien jokamoldea. Hor ez dago ideologiarik, gorrotoa baizik.

Nik ere ikusi nuen "59 segundos" programan sei edo zazpi kazetariek Josu Jon Imazi egin zioten elkarrizketa. Akojonantea. Eta tipoa oso ondo.

Alderdikideei zuzenduriko mezua.Sinestezina egiten zait alderdikideek duzuen kopeta ikusteak. Itaunek ondo eman dizue muturrean eta bere hitza mespretsatu duzue neurri gabe. Testu gehienak irakurri ditut eta alor ezberdinetatik argudio andana eman dizue begiak irekitzeko. Zuen aldetik, maila diskursibo petrala erakutsiz, Imazen estilo harroputz eta inposatzailearekin erantzun duzue.

Ni EAJkoa naiz, eta EAJ salbatzeagatik, boto nulua emango dut aurten, ezin dudalako ANV bozkatu. Itaunek konbentzitu nau, eta zuek lotsa eman didazue. Xabier Garcia ezagutzen dut lan kontuengatik, eta beste batzuren artean aspalditik komentatzen dugun kontua da hau. EAJn, etsaia barruan dugu, eta tuntunak gu, defendaezina defendatzeagatik Imazek esan duelako.

Aspertuta nago gure alderdiaren aldetik betiko gezur berdinak errepikaturik entzuteaz. Nekea sortzen dit alderdiak esaten duelako, beste alde batera begiratu beharrak gure eskubideen zapalketaren aurrean. Nola izan gaitezke horrelako morroi zintzo eta leialak espainiarrekin? Beraien politikaren arabera egiten dugula geurea iruditzen zait. Ez dugula gure
Nire lantegian, EAJkoak ziren batzuk daude, orain EBra pasatu direnak, eta gehienak ANVra, erraustegiaren burugogorkeriagatik. Zentzugabea da duen oposizio zabala ikusirik proiektua hain sutsuki defendatzea.

Arrazoi askorengatik, aurten, EAJ hilik ikusten dut, hutsik eta kolore gabe.

Gora lehengo EAJ! Independentzia!

1-Hemengo rollista bakarra zu zara Joseba, lotsa ematen du EAJ (nire betiko partidua) babesteko erabiltzen duzun modu kutreak. Niri inork ez dit esango EAJkoa izateagatik ez naizela euskalduna, edo herria saldu dudala, baina nik ere ez diot inori erantzungo zuk egin duzun modu lotsagarri eta frakasatuan.

2-Alderdia babestu nahi baduzu, buru pixka bat gehiagorekin babestu ezazu, bestela zugandik babestu beharko dugu besteok, EAJ.

3-Hemen esaten ari diren gauza askorekin ez nago ados (Itaunekin batez ere), baina gauza bat oso argi daukat, EAJ eta Batasuna, alde berdinean daudela, bide ezberdinak aukeratu ditugun arren. Ezker Abertzaleari hemendik egiten ari zaion eraso guzti hori EAJn benetan sinesten ez duten eta EAJ bere interes propioetarako bakarrik erabiltzen duten gizasemeen frustrazioaren fruitu da. Normala den moduan, eta niri ere gertatzen zait, amorrua ematen du, dirurik gabe, izaera legalik gabe, hainbeste tortura eta heriotza krudelekin (begira Itaun, nik zuen hildakoak ere onartu eta goresten ditut), hainbeste kartzela eta min jasanda eta gure gerra mediatiko guztia kontran izanda ere inork baino grin handiagoa erakusten dutela bere nahi politikoak eta (guri ez gustatu arren) gure helburu politikoak lortzearren.

4-lotsagarria da ni eta zu, Joseba, alderdi berdinean egotea, PPren discurso berdina erabiltzen baiduzu ezker abertzalekoen kontra. Bulla egiten besterik ez dakizu eta gehiegi oldartu zara. Nire ustez nahiko era fascista erabili duzu zuk bezala pentsatzen ez duena zapaltzeko, eta lotsa gehien ematen didana da, ez zarela gai izan merezi zuen moduan erantzuteko.

5-Hortik goitik Imazen kontua atera da eta nik ere badut nire iritzia. Dirudienez gainera, "cauce internoetan" konpartitu ezin dena. Nik asko errespetatzen dut Imaz eta ez dut dudarik EAJren alde edozer egiteko gaia dela, baina ezin dut ulertu zertan dabilen. Igual, alderdiarentzat egiten dakien lana da bere akatsa, politikari batek ez bezala, enpresari batek bezala gobernatzen baidu EAJ. Alderdiaren interesek, herriaren interesak bildu behar ditu eta ezin dira diferenteak izan. Ez zait gustatzen Josu Jonek herri honentzako aukeratu duen bidea eta uste dut alderdiko jendeari galdetu behar digutela erabaki larriegirik hartu baino len. Arzallus askoz ere fidagarriagoa iruditzen zitzaidan, bueltatu mesedez.

6-Nire ustez ez da prozesua amaitu eta badakigu oraindik batzuk eta besteak kontaktuan dabiltzala m-27a pasatu bitartean itxaroten. Uste dut gure azken aukera dela gatazka politikoa konpontzeko eta ezin dugu pasatzen utzi, Ibarretxe Planarengatik ere ez. gatazka ez badugu orain konpontzen, akabo konpontzeko aukerak, Españak irabazi du (batzutan badirudi hori nahi dugula).

7-Ardura osoa, ezin da ETArena izan, handiena bada ere. Niretzat behintzat handiena ere ez da. Ez dut inoiz aztuko españolek nire familiari egindakoa eta EAJn banago beraien kontra egiteko da. España da ardura guztia duena eta anaien arteko gerra eragin duena, eta guk gainera, ipurdia besterik ez diogu txupatu.

8-Joseba, ez itxi begiak errealitatearen aurrean. Torturatzen duena, hiltzen duena eta injustamente karzelaratzen duena berdin-berdinak dira, txarrak. Bata ez da bestea baino txarrago eta ez baduzu pentsatzen horrela, pentsa zeini egiten ari zaren mesede.

Gorago esan nuen zenbaitek bere interesak eta Euskal Herriarenak nahasten dituela eta Xabin da horietako bat.

Xabin, zuk besterik esan arren, zu ez zara EAJkoa. Jelkide bat izan daiteke Imaz-zale gehiago edo gutxiago, baina ez dio sekula hemen izan diren eztabaidetan Itauni arrazoirik emango. Ezta ANVri botorik emango ere. Behar bada ez duzu ulertuko zergatik, baina hain zuzen ere ez duzu ulertzen ez zarelako jelkidea.

Orain dela pare bat aste irakurri nion ARGIAn Xabier Barandiaran analista politikoari ETAk gaur egun duen arazorik larriena ez dela Estatuarekin duen gatazka, euskal gizartearekin duen deslegitimazioa baino. Garbi dago Imazek beste inork baino zorrotzago azpimarratzen duela ETAren deslegitimazio hori, baina funtsean arazoa ez da Imazen salaketa, ETAren deslegitimazio soziala bera baizik.

Ez dakit esan beharrik dagoen Imaz ez zela sekula EAJren buru izango Batasunaren botoek erabaki izan balute, baina Batasunaren arazoa da jelkideek erabakitzen dutela nor den beraien burua.

Amaitzeko, behar bada EAJren barruan denetariko eta iritzi askotariko jendea dago (gaude), baina Bakegintza eta Normalizazio Politikoari buruzko txostena, EBBk aho batez onartua, bat bakarra da. Eta erraustegiari buruz ere iritzi guztiak ez dira berdin-berdinak izango, baina onartutako proiektua GBBk onartu du, ez EBBk.

Beraz, Xabin. Nahi duzun independentzia bai, baina adar jotzerik ez. Zuk nere diskurtsoa irakurrita dakizu ni ez naizela Batasunakoa eta nik zureak irakurrita dakit ez zarela EAJkoa.

Alexi:

1. Zortzi puntuko erantzuna botatzen didazu. Lehenean tronpatzen zara eta, ondoren, gainerako zazpietan ezin ba asmatu. Ni EAJkoa naizela erabaki duzu eta zure alderdikoa banintz bezala errietan egin didazu. Baina ni ez naiz zure alderdiko militantea, bai ordea, Ibarretxe eta hirukoaren defentsorea. Oraindik ez bazara horretaz ohartu hobe duzu aurrekoak irakurri.

2.Zuk uste baduzu EAJk babesa behar duela, zuk jakingo duzu non egon zaren orain arte. Eta “por supuesto” nire kritiketatik ere babestu beharko duzula, nere botoa jasotzen jarraitu nahi baduzue.

3.Ni ez naiz EAJren militantea, baina bai botantea. Nik botoa ematen diot EAJri alderdi abertzalea delako, berak duen “herri-eraikuntza”ren zentzua gustatzen zaidalako eta Batasunaren kontrako alternatibarik garbiena delako. Eta EAJ ETA/Batasunaren sarraski-estrategiaren alternatiba ez den egunean, nere botoa birplanteatuko dut.

4.Ezin duzu esan nere diskurtso politikoa PPrena dela. Ni Alderdi Legearen kontra nago, Ibarretxe Planaren alde, EAJ-EA-EB koalizio-akordioaren alde, zure alderdiak onartutako Bakegintza eta Normalizazio Politikoari buruzko txostenaren alde eta Kongresuan zure alderdiak prozesuari ekiteko onartu zuen ebazpenaren alde. Guztietan, PP kontra egon zen. Baina, halere, PPk esaten baldin badu gorringoa gorria dela nik ez dut kontrakorik esango.

5.Zure alderdi barruko gorabeherak bost axola zaizkit, kanpoan gaudenoi interesatzen zaizkigun oinarrizko gauzetan bat zatozten bitartean. Eta, kontrakorik ez badidazu esaten behinik behin, kanpotik ematen du aurreko laugarren puntuan esandako guztietan bat zatoztela. Edo esan nahi didazu zuk faltan botatzen omen duzun Arzalluz jauna puntu horien kontra dagoela?

6.Zuk diozu: “Nire ustez ez da prozesua amaitu“. Hori nork dio? Zuk ala zure alderdiak? Egia da ezer ez dela erabat amaitzen, historiak ez du etenik. Baina Argel, Ajuria Enea edo Lizarra amaitu ziren bezala, oraingo hau ere amaitu da. Horrek ez du esan nahi berriro hasiko ez denik. Baina Barajasko erasoaren ondotik berriro hasi beharko da. Hau da behintzat nik zure Alderdiaren eta Ibarretxeren paperak irakurri ondoren interpretatzen dudana. Eta hau da Batasunak Barajasko atentatuaren aurretik esaten zuena¡

7.Zure ustez ardura guztia, ezta handiena ere, ez omen da ETArena, Espainiarena baizik. Ez da hori EBBk aho batez onartutako paperetan irakurri dudana. Behar bada nik afiliatu beharko dut zure alderdian eta zuk irten beharko duzu zure alderditik.

8.Zuk diozu: “Torturatzen duena, hiltzen duena eta injustamente kartzelaratzen duena berdin-berdinak, txarrak“. Bai, txarkeriak egiten dituzten guztiak txarrak dira. Neregatik denak kartzelara. Baina pertsonak hiltzen dituztenak aurretik eta luzaroagorako gainera.

Ba ni Xabinekin erabat ados nago eta uste dut Xabier P.E ez dela inor esateko Itaunekin ados egoteagatik ez dela EAJkoa. Horrelako mezuak irakurrita lotsa ematen dit alderdi berean egotea Xabier P.Erekin, faxista iruditzen baitzait bere hizpidea. Inposatzailea, baztertzailea, krudela, zentsuratzailea... Ez dakit nola esan.

Aurrekoan aipatu ez nuen arren, nik ere Itaunek esandako gauza batzuk verdadverdadera direla uste dut. Biktimen rollo guzti horrek nazka ematen dit gehiegi erabili delako alderdi interesen alde eta gutxiegi benetako biktimen alde. Nik argi eta garbi esaten dut edozein torturatzaile, ETA bezain faxista dela, eta kargu publikoa bada, askoz gehiago. Gaur Diario De Gipuzkoan irakurri diot Zutikeko Iriarte "Bikila"ri, ez dakit atzoko egunkaria zen, biktima ahaztuei buruzko gutun bat nire bihotza ukitu eta begiak ireki dizkit.

Batzuetan lotsa ematen dit EAJk duen jarrera, baina benetako mina ematen dit alderdiaren jarrera batzuk kritikatzeko gaitasuna edo ikuspegi zabaltasuna hemen batzuk egin duten moduan zapaldua ikusteak. Zergatik zara Xabier P.E xabin baino jeltzaleago? Uste dut jeltzaletasun azterketabat eginez gero, zu nahiko gaizki aterako zinela bere aldean, gure alderdiaren deriba españolista historikoaren bizkortzea bultzatzen duzuenok, jeltzale eredu bakar eta ona zaretela uste baituzue eta ez baita horrela.

Gora benetako jeltzaletasun abertzale eta burujabezalea!!!

Eta Joseba, zu txarrena zara... "ETA/Batasuna" ez da PPren diskurtsoa? Egia da gure Imaz eta Urkulluk terminologia hori instauratu nahi dutela baina horrek ez du esan nahi derrigorrez ondo dagoenik. Ez dakizu nolako poza eman didan ez zarela EAJkoa jakiteak. Oraindik esperantza dago Arzallus eta Egibarrengan fedea dugunon artean. EAJ independentista bat utopia al da ba? Nire ustez behintzat, aukera bakarra da. Nahiko ignorantzia erakusten duzu Imazek Egibarrek baino botu gehiago izan zituela uste baduzu. Sistema elektoralaren jugada txar bat izan zen, batzuk ezagututa, Jon Jauregiren aurkako "txantxa"ren ustel usaina zuena hasieratik eta gure benetako buru Arzallusen mugimenduak eragin zituena.

Eta badakizue zer den txarrena? Itaun barrez lehertzen egongo dela une honetan gure arteko borrokez gozatzen. Idazten behintzat, ez dabil egun hauetan.

Gora Egibar! Behar zaitugu! Egin ezazu guregatik! Gora Euzkadi (Euskal Herria) askatuta!

Oso eztabaida interesgarria gertatzen ari da foro honetan. Eta ez beti esaten denagatik, esaten ez denagatik baizik.

Ongi ulertu badut, siglen arabera behinipein, Xabier P.E., Xabier Garcia, Xabin eta Alex EAJren militanteak edo alderdikideak direla aitortu dute. Eta Josebak, ordea, ez dela EAJkoa argitu du, botoa ematen diola onartu badu ere.

Badirudi elkarrengandik oso hurbil egon beharko liratekela baina euren arteko eztabaidak egitan sutsuak eta kontrajarriak agertzen dira. Halere, hainbat aldiz irakurri arren, nik ez dut ulertzen nun dauden funtsezko diferentziak.

Bere jarrera zehaztu duena Joseba izan da, garbi adierazi baitu Alexi egindako erantzunean: "Ni Alderdi Legearen kontra nago, Ibarretxe Planaren alde, EAJ-EA-EB koalizio-akordioaren alde, zure alderdiak (EAJ) onartutako Bakegintza eta Normalizazio Politikoari buruzko txostenaren alde eta Kongresuan zure alderdiak (EAJ) prozesuari ekiteko onartu zuen ebazpenaren alde."

Aitorpen ideologiko hori nik ere onartuko nuke eta sentidu honetan nik galdera hau egin nahi diet Xabier P.E., Xabier Garcia, Xabin eta Alexi: Zuek Josebak aipatzen dituen bost puntu horiek onartzen dituzue?

Eskerrik asko

Ez dago nondik hartu.

Nik uste dut diferentzia ideologikoa argia dela eztabaidari horien artean,. eta oinarri politikoan kokatzen dela. Inoretaz barre egiteko asmotik urruti, PNVren barne-hausturaren errealitatea ikusten dut nik sasi-eztabaida honetan, zuk diozun bezala bingen, finean