Laguntza: Foroen funtzionamenduari buruzko zalantzak

Foroak erregistroetan

Eginbehardugu — Fri, 01 Jun 2007 12:11:56 +0200

eginbehardugu.com deritzan eztabaidagune hau aurreko otsailean sortu zen, zure iritziak jaso eta zure ardurak azaldu ahal izateko. Laburbilduz, eztabaida eta kritikagintzarako plaza irekia. Geroztik, emaitzak ezin adierazgarriagoak izan dira. Guztira 67.232 bisita jaso dira, guztira 361.578 orrialde ikustatu dituztenak. Eztabaidaguneetan, berriz, 34.671 forozalek parte hartu dute zelan edo halan.

Hauteskunde aurreko lehen hilabeteetan erabateko esku hartze librea eragin eta sustatu da. Edonork parte hartu ahal izan du foro honetan ezelango mugarik gabe, edozein hiritarri eska dakiokeen jendaurreko erantzunkizuna edo izan ezik.

Aurrerantzean, berriz, kalitatea kantitatearen aurretik lehenetsi nahi genuke, baita foro-arduradunen eta forokideen arteko gutxieneko zubigintza segurtatu ere, inoiz argibide edo azalpenen bat beharrezko balitz bat-batean harremanetan jarri ezinik gerta ez dadin.

Beraz, eztabaidagunean parte hartzen jarraitu ahal izateko ez da derrigorrezko izango ezein nortasun agiririk, baina beharrezko izango da izengoiti edo nick-en bat aldez aurretik adieraztea, SMSz baliatzeko telefono-zenbakiaz gainera.

Re: FAQ - Ohiko galderak

Eginbehardugu — Wed, 28 Feb 2007 15:52:38 +0100

Kaixo Lide,

Begiratu dugu jasotako mezuen artean eta ez zaigu ageri aipatzen duzun mezua. Arazo teknikoren bat izan daiteke, edo zuk mezua bidaltzerakoan ez dela behar bezala prozesatu, baina ez da iritsi moderazio gunera. Barkatu enredoak eta eskerrikasko parte hartzeagatik.

Re: FAQ - Ohiko galderak

lide — Mon, 26 Feb 2007 18:15:08 +0100

Zehaztu dezakezue zehatz mehatz zer den iraingarria zuentzat? Eguerdian idatzi dudan mezu bat ez da argitaratu eta ez zen inondik inora iraingarria.
Bestalde, zehaztu dezakzue zenbat denbora behar duen moderatzaileak mezu bat irakurtzen eta erabakitzen argitaratu ala ez? Agian beranduago argitaratuko duzuelako eta jakin nahiko nuke EAJek zentsuratzen nauen ala ez. Badakizue, laster berriro bozkak datoz eta...garrantzitsua izan daiteke nire (eta agian inguruko norbaiten) erabakian.

FAQ - Ohiko galderak

Eginbehardugu — Tue, 16 Jan 2007 18:21:10 +0100

Nola argitaratu dezaket mezu bat foroetan?
Erraza da, hari berria hasi jartzen duen tokian klik egin eta zure mezua idazteko orria irekiko da. Zure izena, mezuaren izenburua eta testua idatzi, eta erantzuna argitaratu botoia sakatu. Hori egindakoan zure mezua argitaratzeko bidean izango da.

Zergatik bidali berri dudan mezua ez da oraindik argitaratu?
Hau foro moderatua da. Horrek esan nahi du moderatzaileak argitaratzen diren mezuak baimendu behar dituela. Modu horretan iraingarriak gerta daitezkeen mezuak saihesten dira.

Moderatzeko irizpide orokorrak
Honakoa foro irekia da, urratsez urrats egin nahi duguna eta udal eta foru kudeaketaren gaineko gaiak aztertzeko sortua izan da. Guztiz bermatuta dago erabiltzaileen anonimatoa eta adierazpen askatasuna. Espero dugu baliabide hauek ondo eta begirune osoz erabiliko direla eta moderatzaileen egitekoa beharrezkoa ez izatea .Honekin guztiarekin gogorarazi nahi dugu adierazpen batzuk, salaketa edo irainak edo bestelako erreferentzia pertsonalak egitea zilegi dela egilea identifikatzen bada, baina ez dago egiterik egilea anonimoa bada eta froga fede-emailerik gabe.

HTML erabili al dezaket?
Bai, oinarrizko HMTL etiketak erabil ditzakezu zure testuari egoki deritzozun formatua emateko.

Beste webguneetara loturak jar ditzaket nire mezuan?
Eztabaidarako interesgarriak baldin badira Interneteko beste gune batzuen loturak jar ditzakezu zure mezuan. Horretarako nahikoa da helbidea edo URLa mezuan bertan idaztea, eta mezua argitaratzerakoan automatikoki lotura bihurtuko da helbide hori.

Sar al dezaket irudirik nire testuarekin batera?
Eztabaidarekin lotutako informazio eskaintzen badu irudi edo argazkiak sar ditzakezu zure testuarekin batera. Baina dagoeneko Internet-en argitaratuta dauden edo zuk zeuk sareko beste guneren batean jarritako (horretarako bidea emango dizuten hainbat gune dago sarean) irudiak izan beharko dira.

Zein ezaugarri izan behar ditu irudiak?
Interneteko beste tokiren batean argitaratuta egoteaz gain, tamaina handiegikoa ez dadin izan zaindu behar duzu. Ez dira 350 puntu baino gehiagoko zabalera duten irudiak argitaratuko. Tamaina horrekin irudi gehienak ondo ikus daitezke, eta horrekin batera pantaila mota guztietan ongi ikusiko dela bermatu dezakegu.

Zer egin behar dut nire erantzunean irudi bat jartzeko?
Oinarrizko HTML agindu batzuk erabili behar dituzu. Adibidez hau: <img
src="irudiaren-helbidea"> idatzi zure testuan eta kakotx artean, "irudiaren-helbidea" jartzen duen toki horretan jarri irudiaren helbide zehatza.