Foroak

Foroak erregistroetan

Eginbehardugu — Fri, 01 Jun 2007 12:11:56 +0200

eginbehardugu.com deritzan eztabaidagune hau aurreko otsailean sortu zen, zure iritziak jaso eta zure ardurak azaldu ahal izateko. Laburbilduz, eztabaida eta kritikagintzarako plaza irekia. Geroztik, emaitzak ezin adierazgarriagoak izan dira. Guztira 67.232 bisita jaso dira, guztira 361.578 orrialde ikustatu dituztenak. Eztabaidaguneetan, berriz, 34.671 forozalek parte hartu dute zelan edo halan.

Hauteskunde aurreko lehen hilabeteetan erabateko esku hartze librea eragin eta sustatu da. Edonork parte hartu ahal izan du foro honetan ezelango mugarik gabe, edozein hiritarri eska dakiokeen jendaurreko erantzunkizuna edo izan ezik.

Aurrerantzean, berriz, kalitatea kantitatearen aurretik lehenetsi nahi genuke, baita foro-arduradunen eta forokideen arteko gutxieneko zubigintza segurtatu ere, inoiz argibide edo azalpenen bat beharrezko balitz bat-batean harremanetan jarri ezinik gerta ez dadin.

Beraz, eztabaidagunean parte hartzen jarraitu ahal izateko ez da derrigorrezko izango ezein nortasun agiririk, baina beharrezko izango da izengoiti edo nick-en bat aldez aurretik adieraztea, SMSz baliatzeko telefono-zenbakiaz gainera.

Re: PNV negozioaren alderdia

Jira — Wed, 30 May 2007 11:47:18 +0200

"Katxondeoa" al zara? Demokraziaren salbatzaile bakarrak zarete?
Ez dakit, ez dakit... Niri aspaldi ez nauzue "graziarik" egiten. Ez dakit inoiz zein tonu erabili zuekin Euskal Herriari buruz hitz egiteko. Barre egin behar dudan, edo negar!

Re: pnv diruaren yonkia

Antonio — Tue, 29 May 2007 17:13:09 +0200

Modu kategoriko horretan pentsatzen duena, esaldia idatzi baino lehen deabruari bere arima saldu dio.-

Re: Baserria

Proposamena — Fri, 25 May 2007 15:38:42 +0200

Udalerri bakoitzean zergatik ez jarri nekazal arazoetaz arduratuko den zinegotzia eta nekazaritza defendatuko duena beste zinegotzi urbanistikoen aurrean.

Paritate Legea

Jone P. Arizmendiarrieta — Thu, 24 May 2007 15:28:47 +0200

Igandeko hauteskundeetan estreinako jarriko da indarrean hautagaien paritate-legea. Eta emakumeon aldarrikapen data-zerrendan egun historikoa izango da.

Informe egokia zabaltzeko

Aitor de la Quintana Basarrate — Wed, 23 May 2007 14:53:34 +0200

Gurutzetako kirurgilea naiz, eta gaurko "diario médico"n aipatzen dute¨Closing the Gap" Europako erakundeak argitaratutako txosten batean, nafarroa, madrid eta euskadiko erkideak direla ondo dagozenak, beste guztiak suspendituz. Txostenean neurtzen dute berdintasuna " la equidad" eta komunitatehauen lana berdintasunaren alde nabargarri dela, zeazten dute be, nola madrilen eremu pribatua pisu gehiago daukala, baina beste bian eragin publikoan datza. "Diario medico" ko 07/05/17 garren alean informazio gehiago dator. Nik uste dot, oso aukera garbia dela zabaltzeko, momentu honetan eztabaida bat dagoelako osasun arloan eta serbitzu sozialei buruz, psoek zabaltzen ari delako osakidetza asko jaitsi delako eta abertzaleok burujabetzari buruz baino ez dakigula berba egin,eta haiei axola zaiela benetazko arazoak, hona hemen benetazko arazoak eta haiek agindutako erkidegoetan txosten hoen aburuz nahiko txarto egin dute.EGIN,EGIN BEHAR DA,ETA EGIN, EGIN DUGU.Gainera txostena zabuldu du JOSE REPULLO, PRESIDENTE DE LA SOCIEDAD ESPAÑOLA DE SALUD PUBLICA Y ADMINISTRACION SANITARIA (sespas)

Re: BIDEGORRIAK DEBA BAILARAN

Jagoba — Wed, 23 May 2007 13:59:03 +0200

Zorionak. Ez nengoen nonbait hain oker esan nuenean "Diputazioak ba omen zuela" proiekturen bat. Nik hori egunkarietan argitaratu ohi diren ale berezi edo gehigarri horietakoren batean ikusi nuen.

Haritz, 2009an, inaugurazioan elkar ikusiko?

Re: BIDEGORRIAK DEBA BAILARAN

Haritz — Tue, 22 May 2007 22:17:25 +0200

Bueno, bueno. Hau sorpresa. Mila esker, www.eginbehardugu.com. Beraz, Ekainerako proiektua erredaktatzen baldin bada, ondoren tramitatu eta 2.008rako aurrekontuetan barneratu, 2.009 urte amaierarako egina!!

Pozgarria da, egingo dela jakitzea behitzat. Ez nuen uste proiektua erredaktatzen ari zirenik ere...

Re: Alderdien mahaia

Eñaut — Tue, 22 May 2007 11:25:45 +0200

UPNren webgunean inkesta batzuk daude, eta erantzunak ez dira oso UPNren gustokoak.

¿Qué le parece el ninguneo del Gobierno de Zapatero a Navarra?
Eta 57,74%k uste du ez dagoela "ninguneo" hori.

Beste inkesta batek galdetzen ETAren elkarrizketatu behar den. Eta erantzunak:

Ez. Indarkeria justifikatzen jarraitzen dute: 3,05%
Ez, armak uzten ez dituzten artean: 7,43%
Ez. Terroristekin ez dago elkarrizketarik: 43,14%
Bai, beharrezko baldintzak ematen badira: 46,38%

Parke Naturalak

Iñaki — Tue, 22 May 2007 09:47:38 +0200

Hainbat urte ralentian egon eta gero, benetako bultzada eman behar zaio natura eta bioaniztasunaren kontserbazioari, batez ere babestutako naturguneetan:

- fauna, flora eta habitat naturalen inbentarioak (bioaniztasuna)
- erabilera publikoa (naturaren interpretazio-zentruak, bisita gidatuak, dibulgazioa, sensibilizazioa,...)
- habitat naturalen berreskurapena (baso naturalak, publikoak diren eremuetan egur-ustiapen exotikoen desagerpena,...)
- baliabide tekniko eta ekonomikoak handitu (natura eta bioaniztasunaren kontserbaziorako teknikoen kopurua handitu gobernuetan eta Foru-Aldundieta, urteroko aurrekontuak bidertu,...)

Euskal Herriak bioaniztasunaren kudeaketaren eskumena izan eta gero, oso gutxi aurreratu da materia honetan, Europa mailan atzerapen itzela eramaten dugularik. Natura 200 Sarearen kudeaketak horretarako aukera eman dezake.

Re: BIDEGORRIAK DEBA BAILARAN

eginbehardugu.com — Mon, 21 May 2007 16:20:41 +0200

Egindako galderari erantzun nahirik jarri ginen harremanetan Gipuzkoako Diputazioaren Garapen Iraunkorrerako Departamenduarekin. Baita hainbat informazio jaso ere, Deba Goienako bederatzi proiekturi buruz, alegia:

- Bergara-Antzuola, zati berria (2,9 km)

- Bergara-Antzuola, trenbide zaharra (9,00 km)

- San Prudentzio-Oñati (6,92 km)

- Aretxabaleta-Arrasate (0,21 km)

- Aretxabaleta-Eskoriatza (0,27 km)

- Eskoriatzatik hegoalderako irteera (0,95 km)

- Eskoriatza-Arabako muga (18,66 km)

Ondo ulertu badugu, Eskoriatzatik hegoalderantzako bidegorriaren hasiera GI-627 errepidearen alboan joango da. Injelanek egindako proiektua da, 1.458.903,38 euroren aurrekontuaz eta obrak 2007 urtean zehar amaitzekotan.

Eskoriatzatik Arabako mugarainoko bidegorriari buruzko proiektuaren erredakzioa, berriz, udaberri honetan amaitzear dago, Injelanen eskutik. Oraindik errepide-sailak ez du aurrekonturik zehaztu eta egitasmo honen amaiera Eibar-Gasteiz autopistaren herri-lanei atxikia agertzen da.

Re: Baserria

Labaka — Fri, 18 May 2007 18:32:40 +0200

Nekazaritzatik bizimodua ateratzea oso zaila da, denok jakitun gara beste ogibide ugari askoz erakargarriagoak direla.

Laister honako panorama ikusi ahal izango dugu: sasiz josita bazter guztiak kostako turismo eremu gutxi batzuk salbu, eta uda partean lehorte bolada baten zehar, sute izugarriak, nahi gabe edo nahita eraginda.

Tamalgarria, ezta? Ba hori ez gertatzeko, neurriak hartu daitezke eta oraindik garaian gaudela uste dut. Gaur egun administrazioan erabiltzen ari den diru multzo horren zati txiki batekin konpondu daiteke.

Merezi du.

Re: BIDEGORRIAK DEBA BAILARAN

bidegorri — Thu, 17 May 2007 14:33:28 +0200

Aste honetako Goienkaria irakurri dozue?

Aldundirako hautagai guztiei 3 galdera egin dotsiez, Debagoiena ardatz hartuta. Hirugarren galderia bidegorrixan ingurukua da.

Eta erantzuna?

Baietz eta baietz, bidegorri-saria bultzatzia dala euren asmua. Danak Bidegorrien alde!

Je, je...

Re: BIDEGORRIAK DEBA BAILARAN

Jagoba — Thu, 17 May 2007 13:49:18 +0200

Ez dago zer barkatu, Haritz.

Nere aitarena aipatu nizun berak beti "matraka" berbera kontatzen digulako. Nik bizi guztian ezagutu izan dut Legutiora egunero joan-etorrian, Gatzaga gora eta Gatzaga behera, eta berak dioenez, orain dela 30 urteko proiektua da autopista hori. Baina orduan ere oraingo eztabaida berdinak izan omen ziren (kontrakoak eta aldekoak) eta azkenean ez zitzaion autopista egiteari ekin, nahiz eta Arrasateko kooperatiben itzelezko mugimendu hori tartean izan. Nere aitak esaten du: "Orduan egin izan balebe..."

Ez dut ulertzen zergatik uste duzun nik bidegorriak mespretxatzen ditudala. Nik uste dut nahiko arrazoi eman dizudala pentsatzeko Gatzagatik Soraluzeraino, San Antoniotik Deskargarainoko eta Arlabanetik Gasteizerainoko trenbide zaharrak bertatik bertara ezagutzen ditudala. Ezagutzen ditut ibili naizelako, eta Gatzaga barreneko tunelak ezagutzen ditut gurutzatu ezinezko "trintxera" horietan noraezean ibili naizelako. Zuk uste duzu hor zehar ibilitako inork bide gorriak mesprexatuko dituela?

Nik zalantzaren bat jarri badut ez da bide gorriak gogoko ez ditudalako, orain dela ehun urteko tunelpe eroriak berriro konpontzea ez delako behar bada aukerarik onena. Oker ez banago, Itziarko kasuan ez zen tunel zaharra konpondu, paraleloan beste bat egin baizik. Eta, beraz, benetan uste dugu bide gorri bat egiteko Gatzagapeko mendia zulatzea litzatekeela egokiena. Oinak eta mendi-bizikletak zertarako dira ba aldatzak igotzeko ez badira?

Baina, dena dela, zurekin batera:

NOIZKO KONPONDU BEHAR DUGU ESKORIATZATIK GATZAGARAINOKO TRENBIDE ZAHARRA?

Re: Baserria

Egia — Thu, 17 May 2007 08:27:37 +0200

Iraultza hitza ez dago modan eta horregatik esango dut "innobazio" galanta litzatekeela nekazal eremuan, hasteko, konzentrazio partzelarioa egingo balitz. Eta hori Foru Aldundiak bultzatu behar du. Hortik aurrera bakarrik egin daiteke baserriak txukun ustiatzeko politika.